JOSUA 3:15 - Pathien Lekhabu Inthieng (BSI)

¹⁵ bâwm zâwntu thiempuhai ke chun vapang tui a hang sir phingleh (bu sîk sûng po hin chu Jordan vadung hi a kuong po po a liem zing hlak a),

JOSUA 3:15 ပူးပေါင်းရင်းမြစ်များ

2 LALHAI 2:6

Chun, Elija chun a kuomah, “Hitaka hin lo um rawh, ka ngên che hi, LALPA chun Jordan vadung chena fe dingin a mi tir sih a,” a ta. Chun, ama chun, “LALPA hringna le nanga hringna sâlin ka hril a nih, um san naw tawp ka ti che,” a ta. Chuong- chun an pahni chun an fe pei ta a.

1 CHANCHIN SUINA 12:15

Thla khatnaa Jordan vadung a kuong a liem pûr lai khawma kântu- hai chu an nih; chuongchun, chu varuoma a saktieng le a thlangtienga umhai po po chu an intlânsiettir a.

1 CHANCHIN SUINA 12:16

Chun, chutaka chun Juda le Benjamin thlahai chu David kuomah kula chun an hung a.

ISAI 26:6

Ke chun sirdêng a ta, rimsihai ke le pasiehai kalchawi ngei chun.

JEREMIA 12:5

Kea lâwn mihai leh in tlân a, an suksâwl hle che chun, sakawrhai le chun iengtin am inel thei i ta? Muong- na rama hman i tlu chun, Jordan ramngawa chun iengtin am thâwng i ta?

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlang- a um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

NAHUM 1:4

Tuisuoriet chu a kâwk a, a suk- kangintana, vadunghai po po khawm a sukkangintan zo a, Basan ram le Karmel tlâng an châu a, Lebanon tlâng pâr chu a châu a nih.

JOSUA 3:13

chun, LALPA hnuoi pumpui Lalpa bâwm zâwntu thiempuhai ke chun Jordan tui a sir charin Jordan tui, saktienga inthawka tui hung luonghai chu suktan nîng a ta; chuongchun, hlawm khatin ngîr an tih,” a ta.

JOSUA 4:18

Thiempuhai LALPA thuthlung bâwm zâwntuhai chu Jordan vadung- a inthawka an hung suok a, thiem- puhai ke chun khawmuol chu a sir char leh Jordan tuihai chu an luong pângngaiin an hung luong nâwk a, a hma ang bawk khan a kuong sip chun a luong liem nâwk ta dum dum a.