JOSUA 3:14 - Pathien Lekhabu Inthieng (BSI)

¹⁴ Mipuihai chu Jordan vadung kai dinga an puon inhaia inthawka an suok chun, thuthlung bâwm zâwn- tu thiempuhai chu mipui hmaa chun an feh a, bâwm zâwntuhai chu Jordan an va tlung a,

JOSUA 3:14 ပူးပေါင်းရင်းမြစ်များ

INPÂKNA HLABU 132:8

Aw LALPA, tho la, i châwl hmun dinga chun lût rawh, Nang le i hrâtna bâwm leh.

JEREMIA 3:16

Chun, chu rama chun in hung pung a, in hung tam pha chun; chuong niahai chun, LALPA chun a tih, “LALPA thuthlungna bâwm hi,” ti ta ngai naw ni hai. An lungrilah hung lût ta naw nih a, anni hlaka hre zing ta naw ni hai a; va sir bawk naw ni hai a, thawa thaw khawm um ta naw ni,’ ti ta ngai naw ni hai.

DÂN PAHNINA 31:26

“Hi dân bu hi la unla, in chung- châng thua hretu dingin LALPA in Pathien thuthlung bâwm sîrah sie ro.

HEBRAIHAI 9:4

chutaka chun riminhnik râwna rângkachak bâwm le, thuthlungna bâwm rângkachak tuia inluon chu a um a; chu thuthlungna bâwm sûnga chun, manna umna rângkachak bêl dâm, Aron hmawl hung inder dâm, thuthlungna lungphêk dâm a um a;

JOSUA 24:11

Chun, Jordan vadung in kai a, Jeriko in hang tlung a; chun, Jerikoa mihai chun an lo do cheu a; Amor mihai, Periz mihai, Kanaan mihai, Hit mihai, Girgas mihai, Hiv mihai, Jebus mihai le khan, chuongchun, anni chu in kutah ka pêk a.

JOSUA 3:3

“LALPA in Pathien Thuthlung bâwm le thiempu Levi mihaiin an zâwn lai in hmu pha chun in umna hmuna inthawk hin insawn unla, zui el ro.

JOSUA 3:6

Chun, Josua chun thiempuhai kuoma chun, “Thuthlung bâwm hi zâwn unla, mipuihai hmaah fe ro,” a ta, a hril a. Chuongchun, thuthlung bâwm chu an zâwn a, mipui hma chu an ṭhuoi tah a.

JOSUA 6:6

Chun, Nun naupa Josua chun thiempuhai chu a ko a, an kuomah, “Thuthlung bâwm hi zâwn unla, thiempu pasariin LALPA bâwm hmatienga chun berâmchal ki taw- tawrâwt pasari chawi raw se,” a ta.