JOSUA 24:23 - Pathien Lekhabu Inthieng (BSI)

²³ Chun, ama ma chun, “Chuong chu a ni chun, tûn nangni laia hnam dang pathien umhai chu sie hmang dai unla, in lungrilhai chu LALPA Israelhai Pathien tieng chun in- thlêktir ro,” a ta.

JOSUA 24:23 ပူးပေါင်းရင်းမြစ်များ

1 LALHAI 8:57

LALPA ei Pathien chu ei puhai kuoma a um ang khan ei kuoma hin um sienla, mi mâksanin mi thlathlam naw raw se;

1 LALHAI 8:58

chuongchun, a lampuihai po po hraw ding le, ei puhai thu a lo pêk ta anga a thupêkhai, a thuruothai, a rorêlhai pawm dinga ei lungrilhai ama tienga ân nghattir theina ding- in.

INPÂKNA HLABU 119:36

I thuinhriettir tienga chun ka lungril hi inthlêktir la, Duâmna tiengah ni loin.

INPÂKNA HLABU 141:4

Rîtlona thilhai, Thil suksuol mihai thawpui dingin, Ka lungril hi thil ṭha naw tieng hrim hrima chun inthlêktir naw la, An fâk inhniktak takhai chu mîn fâktir bawk naw rawh.

INPÂKNA HLABU 81:10

Kei LALPA in Pathien chu ka nih; Aigupta rama inthawka ṭhuoi suoktu cheu kha. In bau ka lien unla, ka suksip ding annâwm.

FESUOKNA 20:23

Keima le biek ding pathien danghai in insiem ding a ni nawh a, in ta dingin tangkaraw pathienhai, rângkachak pathienhai in siem ding a ni bawk nawh.

THUVARHAI 2:2

Chuonga varna tienga i na chu i sit a, Hrietthiemna tienga i lungril chu i hmang chun;

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

JOSUA 24:14

Chuleiin, LALPA chu ṭi unla, titakzet le indiktakin a rawng bâwl unla, in thlatuhaiin Vadung râl le Aiguptaa a rawng an bâwl hlak pathienhai kha pei vawng unla, LALPA rawng chu bâwl ro.