JOSUA 24:21 - Pathien Lekhabu Inthieng (BSI)

²¹ Chun, mipuihai chun Josua kuomah, “Ni lo e, LALPA rawng kan bâwl tlat lem ding a nih,” an ta.

JOSUA 24:21 ပူးပေါင်းရင်းမြစ်များ

FESUOKNA 19:8

Chun, mipui po po chun a ruolin an dawn a, “LALPAIN a hril po pohai chu thâwng kan tih,” an tih a. Mosie chun mipui thuhai chu LALPA kuoma chun ân tlun tah a.

FESUOKNA 20:19

Anni chun Mosie kuomah, “Nangin kan kuomah thu hril la, ngai kan tih; Pathien ruok chun kan kuomah thu hril naw raw se. Chuong naw chun thîng kan tih,” an tih a.

FESUOKNA 24:3

Mosie chu a hung a, LALPA thu po po le dânhai po po chu mipui a hril tah a. Mipui po po chun thu thu- hmunin an dawn a, “LALPAIN thu a hril po po chu thâwng kan tih,” an tih a.

FESUOKNA 24:7

Chun, thuthlungna lekhabu chu a lâk a, mipui hrieta chun a tiem tah a; anni chun, “LALPAIN a hril taphawt chu thâwng kan ta, thu- awitakin um kan tih,” an tih a.

ISAI 44:5

Mi pakhatin LALPA ta ka nih tîng a ta, mi dangin Jakob hming inbûk a ta; mi dangin a kutah, LALPA ta tiha ziekin, Israel hming chu a chi hmingah hmang a tih,” tiin.

DÂN PAHNINA 26:17

Vawisûn hin LALPA chu a lam- puihai hrawh a, a dânhai le a thupêkhai le a rorêlhai chu zâwm a, a rawl chu ngai dingin in Pathien dingin in thlang tah a;

JOSUA 24:20

LALPA chu in mâksan a, hnam dang pathienhai rawng in bâwl chun chu, in chungah a ṭha sa hin in chung- ah thil ṭha nawin ṭuong vêng a ta, a sukbohmang el ding cheu a nih”, a ta.

JOSUA 24:22

Chun, Josua chun mipuihai kuomah, “A rawng bâwl tumin LALPA chu in thlang ta ngei ti thuhretuhai chu nangni ngei hi in nih,” a ta. Chun, anni chun, “Thuhretuhai chu kan ni a ni ta hi,” an ta.