JOSUA 24:18 - Pathien Lekhabu Inthieng (BSI)

¹⁸ Chuongchun, LALPA chun kan hma ngeiah hnam tin chuong rama um Amor mihai chu a hnawt suok vawng a; chuleiin, keini khawma LALPA rawng a nih kan bâwl ding chu, ama chu kan Pathien a ni sih a,” an tih a, an dawn a.

JOSUA 24:18 ပူးပေါင်းရင်းမြစ်များ

INPÂKNA HLABU 116:16

Aw LALPA, i siehlaw ka ni tak zet el, I siehlaw i suoknu naupa chu ka na, Khuopa ka umnahai chu i mi sût tah a.

FESUOKNA 10:2

anni lai ngeia inchikna ka thawhai le, Aigupta mihai chu ieng angin am an chungah thil ka thawha ti i naupa le i tupa hrieta ngei khawm i hril theina dingin le; LALPA chu ka ni ngei ti i hriet theina dingin, ti rawh,” a tih a.

FESUOKNA 15:2

LALPA chu ka hrâtna le ka hla a nih, Ka sandamna khawm a hung ni tah; Hi hi ka Pathien a na, ama chu inpâk ka tih: Ka thlatu Pathien a na, ama chu chawimawi ka tih.

FESUOKNA 23:31

Tuipui Sena inthawka Philistin tuipui chen le, thlalêra inthawka Euphrates vadung chenin i ramri chu khang ka ta; a ram hluotuhai chu i kutah ka pêk ding che a ni sih a; chun, nangin i hmaha inthawkin hnawt suok i tih.

MIKA 4:2

Chun, hnam tamtakhai chu fêng an ta, “Hung unla, LALPA tlângah, Jakob Pathien ina chun hang fêng ei tiu; chuongchun, ama chun a lampui chanchinhai chu mîn chûktir a ta, a lampuihaia chun fêng ei ta, tîng an tih; Ziona inthawk chun dân thu chu a hung suok ding a ni sih a; LALPA thu chu Jerusalema inthawkin a hung suok ding a nih.”

ZEKARIA 8:23

Sipaihai LALPA chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet sih a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

THILTHAWHAI 7:45

Chu bawk chu ei thlatuhai thla nâwk khawmin an nei sâwng pei a, Pathienin ei thlatuhai hmaa Jentail a hnawt suokhai ram an hluo lai khan Josua lût ruolin an lûtpui a; David hung um chen khan chutaka chun a um ta zing a.

DÂN PAHNINA 10:21

Ama chu in inpâk ding chu a na, hieng in mita in hmu tah thil ropuitak le râpthlâktakhai thawpêk hlak cheu in Pathien a nih.

DÂN PAHNINA 33:27

Chatuon Pathien chu în humhimna a na, Hnuoi tienga chun chatuon bân a um, Hmêlmahai chu a vaikiengpêk hlak cheh a, ‘Sukbohmang rawh,’ a tih a.

JOSUA 23:9

LALPAIN in hmaa chi ropuitak le hrâttak chu a hnawt suok vawng ta hi; nangni hmaa chun vawisûn ni chen khawm hin tukhawm a ṭhang thei hrim hrim an um dêr naw hi.

JOSUA 24:17

ama LALPA kan Pathien ngeiin annâwm kan thlatuhai le Aigupta ram suoka inthawka mi ṭhuoi suok a, kan mithmua inchikna ropuitak takhai thawh a, kan fena taphawta le mipui po po kan nêr thlengnaa khawma mi humhim pei chu;

JOSUA 24:19

Josua ruok chun mipuihai kuoma chun, “LALPA rawng chu bâwl thei naw ti niu, ama chu Pathien inthieng a ni sih a; Pathien thîk- thusie a na, in bawsietna dâm le in suolnahai chu ngaidam naw ni.