JOSUA 22:33 - Pathien Lekhabu Inthieng (BSI)

³³ Chuong thu chun Israel thlahai chu a suklâwm hleh a; chun, Israel thlahai chun Pathien chu an inpâk tah a; chuongchun, Reuben thlahai le Gad thlahai chu hang do a, an umna ram hang suksietpêk thu chu an hril nâwk ta nawh a.

JOSUA 22:33 ပူးပေါင်းရင်းမြစ်များ

1 CHANCHIN SUINA 29:20

Chun, David chun, mipui in- khâwmhai po po kuoma chun, “Tuhin LALPA in Pathien chu inpâk ro,” a ta. Chuongchun, mipui inkhâwmhai po po chun LALPA an thlatuhai Pathien chu an inpâk a, an luhai an kûn a, lal le LALPA chu chibai an bûk tah a.

THUVARHAI 25:25

Ram hlataka chanchin ṭha chu, Mi dangchâr kuoma tui deitak ang hi a nih.

DANIEL 2:19

Chun, zâna thilhmulâwkin Daniel kuoma chun chu thurûk chu phuongin a um tah a. Chun, Daniel chun vâna Pathien chu ân pâk tah a.

LUKA 2:28

ama chun a lo pawm a, Pathien ân pâk a;

THILTHAWHAI 15:12

Chuongchun, mipui po po an to zing a, Barnaba le Paula Pa- thienin anni hmanga Jentailhai laia inchiknahai le thilmakhai a thaw thu kha an hril sûng po chu an ngai a.

THILTHAWHAI 15:31

Chun, an tiem zoin thlamuong- na thu lei chun an lâwm ta hleh a.

2 KORINTH 7:7

a hungna chau chun a ni nawh a, in lunginlêngzie dâm, in ṭapzie dâm, ka chunga in ṭhahnemngaizie dâm a mi hrilin, nangnia a thlamuongna khawm chun a mi thlamuong ta a nih; chuongchun, ka lâwm nâwk zuol tah a.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng mal- sâwmpêkna tinrêngin Kristaa chun mal a mi sâwm a.

JOSUA 22:30

Chun, thiempu Phinehas le a kuoma um mipuihai mi lien, Israel hnamhai lusahai chun Reuben thlahai le Gad thlahai le Manasse thlahai thuhril an hriet chun anni a suklâwm ta hleh a.

JOSUA 22:32

Chuongchun, thiempu Eleazar naupa Phinehas le mi lienhai chu Reuben thlahai le Gad thlahai kuoma inthawk chun Gilead rama inthawk chu Kanaan ram tienga Israel thlahai kuom tienga chun an kîr nâwk a, thu chu an vân tlun nâwk tah a.