JOSUA 22:31 - Pathien Lekhabu Inthieng (BSI)

³¹ Chun, thiempu Eleazar naupa Phinehas chun Reuben thlahai le Gad thlahai le Manasse thlahai kuoma chun, “LALPA chungah thil in suksuol naw leiin, tuhin chu LALPA chu eini lai a um ngei a nih ti ei hriet tah a nih; chuongchun, Israel thlahai hi LALPA kuta inthawkin in sansuok tah a ni hi”, an ta.

JOSUA 22:31 ပူးပေါင်းရင်းမြစ်များ

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun LALPA chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

EZRA 7:5

Abisua naupa, Phinehas naupa, Eleazar naupa, Aron thiempu laltak naupa:

INPÂKNA HLABU 68:17

Pathien tawlailîr chu a sînga sîng, a sânga sâng tamtak a nih. LALPA chu Sinai tlânga a um ang khan, chuong laia chun hmun inthiengah a um tah.

FESUOKNA 25:8

Chun, hmun inthieng mi siem- pêk raw hai se, anni laia ka um zing theina dingin.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui sih a,” tiin.

ZEKARIA 8:23

Sipaihai LALPA chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet sih a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

1 KORINTH 14:25

a lungril thurûk chu phawr nîng a ta, chuongchun, bawkkhupin Pathien chibai bûk a ta, Pathien nangni lai a um takzet ti hril a tih.

JOSUA 22:30

Chun, thiempu Phinehas le a kuoma um mipuihai mi lien, Israel hnamhai lusahai chun Reuben thlahai le Gad thlahai le Manasse thlahai thuhril an hriet chun anni a suklâwm ta hleh a.

JOSUA 22:32

Chuongchun, thiempu Eleazar naupa Phinehas le mi lienhai chu Reuben thlahai le Gad thlahai kuoma inthawk chun Gilead rama inthawk chu Kanaan ram tienga Israel thlahai kuom tienga chun an kîr nâwk a, thu chu an vân tlun nâwk tah a.

JOSUA 3:10

Josua chun, “Hitaka hin Pathien hring chu nangni lai a um a, in hmaa hin Kanaan mihai, Hit mihai, Periz mihai, Girgas mihai, Amor mihai, Jebus mihai hi a hnawt suok ngei ngei ding a nih ti hre ngei in tih.