JOSUA 21:44 - Pathien Lekhabu Inthieng (BSI)

⁴⁴ Chun, LALPAIN an thlatuhai kuoma inkhâma a lo tiem ta ang ngei khan hmun tinah muongna a pêk a, an hmêlmahai po po chu tukhawm an hmaa ṭhang thei an um nawh a;

JOSUA 21:44 ပူးပေါင်းရင်းမြစ်များ

2 CHANCHIN SUINA 13:16

Chuongchun, Juda mihai hmaa inthawk chun Israel mihai chu an tlânseh a; chun, Pathienin an kuta chun anni chu a pêk tah a.

FESUOKNA 23:31

Tuipui Sena inthawka Philistin tuipui chen le, thlalêra inthawka Euphrates vadung chenin i ramri chu khang ka ta; a ram hluotuhai chu i kutah ka pêk ding che a ni sih a; chun, nangin i hmaha inthawkin hnawt suok i tih.

FESUOKNA 33:14

LALPA chun, “I kuomah fe ve pei ka ta, châwlna pêng ka ti che,” a tih a.

ISAI 63:14

Ruoma ran zu fehai angin LALPA thlarau chun anni chu ân châwltir a, chuong ang chun, hming ropuitak în siemna dingin, i mihai chu i ṭhuoi kha,” tiin.

DÂN PAHNINA 2:36

Arnon ruom sîra Aroera in- thawk le ruoma khaw uma inthawka Gilead chenin ei ta dingin insâng taluo khuo hrim a um dêr nawh a, LALPA ei Pathien mi pêk vawng a nih.

DÂN PAHNINA 21:10

“In hmêlmahai rûn dinga in fe suok a, LALPA in Pathienin in kutah a pêk cheu a, sala in ṭhuoi a,

HEBRAIHAI 4:9

Chuongchun, Pathien mihai ta ding chun Châwlnia châwlna a la um ta rawp a.

JOSUA 1:13

“LALPA in Pathienin châwlna a pêk cheu a, hi ram hi a la pêk ding cheu a nih, tia LALPA siehlaw Mosien thu a pêk cheu hi hre zing unla.

JOSUA 1:15

LALPAIN in unauhai khawm chu nangni ang bawka châwlna a pêka, LALPA in Pathienin ram a pêk chu anni khawma an hluo ve hma- khat chun; chuongchun, LALPA sie- hlaw Mosien Jordan râl, nisa suokna tieng ram in puola a lo pêk ta cheu tieng chun kîr nâwk in ta, in la hluo ding a nih,” tiin, a hril a.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâw- samtir naw ning cheh a, mâk khawm mâksan naw tawp ka ti che.

JOSUA 11:12

Chun, chuong lalhai khawpui- hai po po le an lalhai po po chu Josua chun a lâk vawng a, kâwlhnâma thawin a that a, a sukchimit vawng a; LALPA siehlaw Mosien thu a pêk ang khan.

JOSUA 11:23

Chuongchun, LALPAIN Mosie kuoma a hril po po ang khan Josua chun ram pumpui chu a lâk tah a; chun, Josua chun Israel mihai chu an hnam inṭhe dân ang peiin an rochan dingin a pêk tâwl a; chuongchun, ram chu râlmuongin a um tah a.

JOSUA 11:8

Chun, LALPAIN anni chu Israel- hai kutah a pêk a, an thawh a, Zidon Ropui chen dâm, Misrephoth-maim hmun chen dâm, saktieng panga Mizpe ruom chen dâmin an hnawt a; pakhat khawm hla hrim hrim nei loin an that vawng a.

JOSUA 2:24

Chun, Josua kuoma chun, “LALPAIN a ram pumpui chu ei kutah a lo pêk takmeu el; chu chau khawm chu a ni nawh a, chu rama chênghai po po chu eini, mi ṭiin an thi dang el a nih,” an ta.

JOSUA 22:4

Chuongchun, LALPA in Pathien- in an kuoma a lo hril ta ang khan in unauhai hi tuhin muongna a pêk ta hi: chuleiin, LALPA siehlaw Mosien Jordan râla in chanpuol dinga ram a lo pêk ta cheua khan, in puon in tienga chun fe nâwk ta ro.

JOSUA 22:9

Chun, Reuben thlahai le Gad thlahai le Manasse thla zâtvehai chu an kîr nâwk tah a. Kanaan ram Silo khuoa Israel thlahai kuoma inthawk chun Gilead ram, LALPAIN Mosie hmanga thu a lo pêk ta ang khan an chanpuol hrima lo ruotsa tah, chu rama fe ding chun an suok tah a.

JOSUA 23:1

Kum ieng zât lai amanih ân vawi a, Israelhai chu an kâwl- vêla hmêlma po pohaia inthawk muongna LALPÂN a pêk hnung chun, Josua khawm chu a hung upa tah a, a hung tar ta hle el a.