JOSUA 2:19 - Pathien Lekhabu Inthieng (BSI)

¹⁹ Tukhawm i kawtkhâra in- thawka khawlaia suok taphawt chu ama lu chungah a thisen chu um a ta, keini chu thiemnaw changin um naw nîng ungah; chun, tukhawm in sûnga i kuoma um taphawt chu miin an chungah kut an thlâk chun kan lu chungah a thisen chu um a tih.

JOSUA 2:19 ပူးပေါင်းရင်းမြစ်များ

2 SAMUEL 1:16

Chun, David chun a kuomah, “I thisen chu nangma lu chung ngeiah um raw se, nangma bâu ngeiin, ‘LALPA hrieknâl chu ka that a nih,’ tiin a phuong si cheh a,” a ta.

2 SAMUEL 4:11

Mi fel ama insûng luma, a khumlaizâwl ngeia mi, mi suolin an that a thisen man chu nangnia in- thawk hin ka phût nâwk zuolin, hnuoia inthawk hin ka va sukbo- hmang âwm ngei cheu deh aw,” a ta.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet loa a thawh a, kâwlhnâma a that leiin LALPAIN a thisen chu ama lu chung ngeiah hung inlêttir a tih.

FESUOKNA 12:13

Chun, thisen chu in ta dingin in umna inhai inchikna nîng a ta; thisen chu ka hmu pha chun, nangni chu fekân ka ti cheu a, Aigupta ram ka hung hrem lai khawm chun, nangni sukbohmang ding cheuin in chungah hri hrim hrim um naw nih.

FESUOKNA 12:22

Hussop bâwr la unla, thlênga thisena chun inchie unla, chu thlênga thisen chun kawtkhâr bieng pahnihai le kawtkhâr lu chung khangphei chu nâl ro: chun, zîngkâr a ni hmakhat chu tukhawm a in kawtkhâra chun suok hlek naw raw se.

FESUOKNA 12:23

Aigupta mihai chu hrem dingin LALPA chu a fe thleng ding a ni sih a; chun, kawtkhâr bieng pahni le kawtkhâr lu chung khangpheia thi- sen chu a hmu chun, LALPA chun kawtkhâr chu fe kân a ta, in inhaia chun nangni sukhlum ding cheuin sukbohmangtu chu inhungtir naw nih.

LEVI DÂN 20:11

Pahai nuhmei zâlpuitu chu mâni pahai saruokna hlîmtu a na, sukhlum ve ve ngei ding an na, an thisen maw chu an chunga um a nih.

LEVI DÂN 20:9

A pa amanih, a nu amanih ṭawngsie inphurtu taphawt chu sukhlum ngei ding a nih; a pa ama- nih, a nu amanih ṭawngsie inphur a na, a chungah a thisen maw chu a um ding a nih.

MATTHAI 24:17

in chunga um chu a ina thilhai inchû dingin ṭum naw raw se;

THILTHAWHAI 18:6

Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

THILTHAWHAI 20:26

Chuleiin, mi po po thisenah ka hul a nih ti vawisûn hin kân hriettir cheu.

THILTHAWHAI 27:31

Chu lai chun Paulain sipai za hotu le sipaihai kuoma chun, “Hienghai hi lawngah an um zing naw chun him thei naw ti niu,” a ta.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei loa, Krista ringna leia felna, (ringna leia Pathiena inthawka felna) chu nei lemin;

HEBRAIHAI 10:29

Pathien Naupa sirde a, thu- thlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

JOSUA 2:12

Chuleiin, tuhin ka ngên cheu a nih, hi in chungah ka lunginsietzie cheu ka lo suklang tah a, nangni khawma ka pa sûnghai chungah in lunginsietna chu hung inlangtir ve ding le inchikna fietak mi siempêk dingin LALPA hming sâlin mîn khâmpêk ro:

JOSUA 2:14

Mihai chun amanu kuoma chun, “Kan thilthaw hi i hril suok naw ding chun in thi ai thîng kan tih. LALPAIN ram hi a mi pêk pha chun lunginsiet chein, i chungah ringum- takin thâwng kan tih,” an ta.

JOSUA 2:20

Amiruokchu, kan thilthaw hi i hril suok chun ṭawng i mîn khâm- tirnaa hin thiemnaw changin um naw nîng ungah,” an ta.