JOSUA 19:51 - Pathien Lekhabu Inthieng (BSI)

⁵¹ Chuonghai chu a nih thiempu Eleazar hai, Nun naupa Josua hai le Israel thlahai hnam sûngkuo upahai- in Siloa LALPA hmaa inbiekna puon in kawtkhâra aisâna an rochan dinga an lo sempêk tahai chu, chuongchun, ram ṭhe chu an zo tah a nih.

JOSUA 19:51 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 78:60

Chuongchun, Silo biekbûk, Mihriem laia a puon in sie chu, a mâksan a.

MATTHAI 20:23

Ama chun an kuomah, “Ka no chu dâwn ngei in tih; nisienlakhawm, ka changtieng le ka vawitienga ṭhung ding thu chu keia pêk ding a ni nawh a, ka Pa ibuotsaipêkhai ta ding ni lem a tih,” a ta.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

THILTHAWHAI 13:19

Chun, Kanaan rama hnam sari a suktlâwm zo hnung khan an ram chu hluo dingin a pêk pei a, kum zali sâwmnga sûng po khan.

JOSUA 14:1

Hienghai hi a nih Israel thla- haiin Kanaan ram an lâk, thiempu Eleazar hai, Nun naupa Josua hai, Israel thlahai hnam sûng- kaw puipahaiin an rochan dinga an lo semhai chu.

JOSUA 18:1

Chun, Israel thlahai mipui po po chu Silo khuoah an in- khâwm tah a, chutaka chun inbiekna puonin an zar a; ram chu an thu hnuoiah a hung um tah a.

JOSUA 18:10

Josua chun Siloa chun LALPA hmaa chun ai a lo sânpêk a, chutaka chun Israel thlahai chu an inṭhe ang pei chun ram chu a sem tah a.

JOSUA 20:1

LALPA chun Josua chu a biek a,

RORELTUHAI 21:19

Nisienlakhawm, ngai ta u, Bethel hmar tieng, Bethela inthawka Sekem fena lamlien saktieng panga Lebanon sim tienga um Siloah kum tin LALPA ta dinga ruoiṭhe a um hlak kha,” an tih a.

RORELTUHAI 21:21

lo thlîr zing unla, Siloa nu- nghâkhai rawi lâmnaa lâm dinga an hung suok pha, grêp huona inthawk chun hung suok unla, Silo nu- nghâkhai chu mâni nuhmei ding seng man unla, Benjamin mihai ramah fe vawng el ro.

1 SAMUEL 1:3

Chun, ama chu an khuoa in- thawkin Silo khuoah sipaihai LALPA chu be dingin kum tin a hang fe hlak a. Chutaka chun Eli naupasalhai pahni, Hophni le Phinehas, LALPA thiempuhai chu an um a.