JOSUA 18:6 - Pathien Lekhabu Inthieng (BSI)

⁶ Ram chu hmun sariah va ṭhe unla, ziek chu mi hung pe ro; chuong- chun, hitaka hin LALPA ei Pathien hmaah ai lo sânpêk ka ti cheu.

JOSUA 18:6 ပူးပေါင်းရင်းမြစ်များ

INPÂKNA HLABU 105:11

“Kanaan ram hi i kuomah pêng ka ti che, I rochan puol ding chu,” tiin;

THUVARHAI 16:33

Ai chu mal chunga sân a ni hlak a, Thutlûkna ruok chu LALPA ta vawng a nih.

THUVARHAI 18:18

Aisânna chun insêlnahai a sukbo a, Mi hrâthai chu a sukṭhe bawk.

NAMBAR 33:54

A hnam tam dân ang peiin aisânin ram chu hluong in ta, a hnam tam deuhai chu ram lien deu pêng in ta, a hnam tam naw deuhai chu ram chîn deu pêng in tih; aisâna a tlûkna taphawt chu an chanpuol nîng a ta; an pi le pu- hai chi fe dân ang peiin in hluo ding a nih.

NAMBAR 34:13

Chuongchun, Mosie chun Israel thlahai chu thu a pêk a, “Hi hi LALPAIN hnam kuo le a zâtve hai pêk dinga thu a pêk, aisâna in hluo ding ram chu a nih;

THILTHAWHAI 13:19

Chun, Kanaan rama hnam sari a suktlâwm zo hnung khan an ram chu hluo dingin a pêk pei a, kum zali sâwmnga sûng po khan.

JOSUA 14:2

An rochan chu, LALPAIN Mosie thu a lo pêk ta angin, aisânin hnam kuo le hnam zâtve hai ta dinga sem a nih.

JOSUA 18:10

Josua chun Siloa chun LALPA hmaa chun ai a lo sânpêk a, chutaka chun Israel thlahai chu an inṭhe ang pei chun ram chu a sem tah a.

JOSUA 18:7

Levi mihai hin chu chu nangni lai chanvo an nei ve nawh a, LALPA thiempu sin hi an chanpuol a ni sih a; chun, Gad mihai, Reuben mihai le Manasse hnam zâtvehai khan chu Jordan râl saktienga khan an chan- puol chu LALPA siehlaw Mosien a lo pêk kha an lo chang tah a,” a ta.

JOSUA 18:8

Chuongchun, chuong mihai chu an inthawk suok tah a, chun, ram chanchin va ziek suok dinghai chu Josua chun, “Ram chu va fang unla, hung ziek suok unla, ka kuomah hung intlun nâwk unla, hitaka Silo khuoa hin LALPA hmaah ai lo sânpêk ka ti cheu,” tiin thu a pêk a.