JOSUA 18:16 - Pathien Lekhabu Inthieng (BSI)

¹⁶ chun, ramri chu Rephaim hmâr- tieng ruomah Hinnom naupa ruom bula tlâng hmawra chun a fe thlah a; chuongchun, Jebushai sîrah, sim- tieng panga Hinnom ruomah a fe thlah a; chun, En-rogelah a fe thlah a;

JOSUA 18:16 ပူးပေါင်းရင်းမြစ်များ

2 SAMUEL 17:17

Jonathan le Ahimaaz chu En-rogelah an um a, suoknu pa- khat hin anni chu a va hril hlak a na, chun, anni chun lal David chu an va hril nâwk sâwng hlak a; khawpuia an lût chu tukhawma hmu lo ding a nih.

2 SAMUEL 5:18

Chun, Philistin mihai chu an hung a, Rephaim ruoma chun an inzar a.

1 LALHAI 1:9

Chun, Adonija chun berâmhai, sebâwngchalhai, ran châwm thâuhai Zoheleth lungah a that a; chu chu En-rogel bula um a nih; chun, lal naupahai, a unauhai po po le, Juda rama lal upahai po po chu a fiel a.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna ding- in Hinnom thlahai ruoma Topheth chu a sukbo ta bawk a.

1 CHANCHIN SUINA 14:9

Chuongchun, Philistin mihai chu an hung a, Rephaim ruoma chun an hung inzâr a.

2 CHANCHIN SUINA 28:3

Chunawa khawm chun Hinnom naupa ruoma chun riminhnik a rawh a; Israel thlahai hmaa LALPAIN a hnawtsuok khawhri be mihai tirdak- umna ang tak chun a nauhai chu meiah ân lûttir bawk a.

2 CHANCHIN SUINA 33:6

Hinnom naupa ruoma chun a nauhai chu mei ân fêthlengtir bawk a; aisân a hmang a, zâwldiaihai a hmang a, dâwi a hmang bawk a, thlarau zâwlhai a sawr bawk a, thiemrauhai leh; LALPA mithmua chun thil suol nasatak el ama chu suklungsen dingin a thaw tah a.

ISAI 30:33

Topheth pakhat chu inhma daia lo buotsai tah a ni sih a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; LALPA thuok, kât vadung luong ang chun a sukkâng dur dur a.

JEREMIA 19:11

an kuoma chun, Sipaihai LALPA chun hieng hin a ti a nih: Hieng ang bawk hin, bêl hemtu bûr chu miin siem ṭhat nâwk thei ni ta loa a suksiet ang hin hi khawpui le hi hnam hi ka suksiet ding a nih; chuongchun, inphûmna ding um naw khawp rauin Tophetha chun inphûm an tih.

JEREMIA 19:2

Hinnom naupa phairuom, Harsith dâi kawtkhâr lûtna bula uma chun fe unla, chutaka chun thu ka hril che chu hril suok rawh.

JEREMIA 19:6

chuleiin, ngai ta u, a nihai chu a hung tlung, LALPA chun hieng hin a tih: Hi hi phairuom hi Topheth ama- nih, Hinnom naupa Phairuom ama- nih ti ni ta naw nih a. Inthatna Ruom ti ni lem tâng a tih.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

JOSUA 15:63

Jerusalem khuoa mi Jebus mihai ruok chu Juda thlahaiin an hnawt suok thei nawh a: chuongchun, Jebus mihai chu Juda thlahai leh tuchen hin Jerusalemah an la um hmunkhat ta zing a nih.

JOSUA 18:28

Zela, Eleph, Jebus, (chu chu Jerusalem a nih), Gibeah le Kiriath an nih; khawpui sâwmpali a khaw chînhai leh. Hieng hi a nih Benjamin thlahai an sûngkuo izir ang peia an chanpuola ruot chu.

RORELTUHAI 1:21

Benjamin thlahai ruok chun Jerusalema um Jebus mihai chu an hnawt suok nawh a, Jebus mihai chu Benjamin thlahai leh tu chen hin Jerusalemah an la um hmunkhat ta zing a nih.

RORELTUHAI 1:8

Chun, Juda thlahai chun Jerusalem chu an hang do a, an lâk a, kâwlhnâmin an that a, khawpui chu an raw tah a.

RORELTUHAI 19:10

Nisienlakhawm, ama chun chu zân chun riek a nuom ta nawh a, a tho a, a suok tah a, Jebus khaw zâwn a va tlung a (chu chu Jerusalem khuo a nih), sabengtung pahni inthuom sa a ṭhuoi a, a thaikêm khawm chu a ṭhang veh a.