JOSUA 18:10 - Pathien Lekhabu Inthieng (BSI)

¹⁰ Josua chun Siloa chun LALPA hmaa chun ai a lo sânpêk a, chutaka chun Israel thlahai chu an inṭhe ang pei chun ram chu a sem tah a.

JOSUA 18:10 ပူးပေါင်းရင်းမြစ်များ

1 CHANCHIN SUINA 24:5

Chun, aisâna ṭhe an na, chi dân dang dangin, Ithamar naupasalhai le Eleazar naupasalhai laia chun Pathien in hotuhai le hmun inthienga hotuhai chu an um ve ve sih a.

NEHEMIA 11:1

Mipuihai hotuhai chu Jeru- salema chun an um a; sâwm laia pakhat pei khawpui inthieng Jerusalema um ding le sâwm laia pakuo khaw danga um dinghai in- hrietna dingin, mi dang po chun ai an sân a.

INPÂKNA HLABU 47:4

Ama chun ei rohluo ding chu mi thlangpêk a ta, A hmangai Jakob sawngtak ram chu.

INPÂKNA HLABU 61:5

Aw Pathien, nang chun ka thutiemhai i ngai sih a, I hming ṭituhai ram hluo chu i mi pêk a.

THUVARHAI 18:18

Aisânna chun insêlnahai a sukbo a, Mi hrâthai chu a sukṭhe bawk.

JEREMIA 7:12

Amiruokchu, tuhin ka hmun Siloa chun fe unla, a tira inthawka ka hming kân umtir zingnaa chun; ka mi Israelhai khawhlona leia thil ka ithawhai chu va hmu ta u.

EZEKIEL 47:22

Chun, in ta dinga rochan ding le, nangni laia pêm mikhuol um vehai hi hnunga thlahai la nei dinghai ta ding chun aisânin sem in ta; Israel thlahai laia chun anni chu in ina pieng ang bawk nîng an tih; Israel hnam nangni laia chun rochan chu an chang ve ding a nih.

EZEKIEL 48:29

Hi hi Israel hnamhai kuoma aisâna rochan dinga i sem ding ram a nih; chun, hienghai hi an hmun hran hran tamtakhai chu a nih; Lalpa PATHIEN chun a tih.

MIKA 2:5

Chuleiin, LALPA mihai in- khâwmhai lai chun aisân a, hruia inkhipêktu tukhawm nei naw ti ni.

NAMBAR 34:16

LALPAIN Mosie a biek a,

MATTHAI 27:35

Chun, krawsah an hemde zoin, aisânin a silfênhai chu an insem a.

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

THILTHAWHAI 13:19

Chun, Kanaan rama hnam sari a suktlâwm zo hnung khan an ram chu hluo dingin a pêk pei a, kum zali sâwmnga sûng po khan.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

JOSUA 14:2

An rochan chu, LALPAIN Mosie thu a lo pêk ta angin, aisânin hnam kuo le hnam zâtve hai ta dinga sem a nih.

JOSUA 14:5

LALPAIN Mosie thu a lo pêk ta ang khan Israel thlahai chun an thawh a, ram chu an sem a.

JOSUA 18:11

Aisân chu Benjamin thlahai hnam an sûngkuo izir ang peiin an chungah a tlu tah a; chun, an ramri chin chu Juda thlahai le Josef thlahai inkâr kha a nih.

JOSUA 18:6

Ram chu hmun sariah va ṭhe unla, ziek chu mi hung pe ro; chuong- chun, hitaka hin LALPA ei Pathien hmaah ai lo sânpêk ka ti cheu.

JOSUA 18:8

Chuongchun, chuong mihai chu an inthawk suok tah a, chun, ram chanchin va ziek suok dinghai chu Josua chun, “Ram chu va fang unla, hung ziek suok unla, ka kuomah hung intlun nâwk unla, hitaka Silo khuoa hin LALPA hmaah ai lo sânpêk ka ti cheu,” tiin thu a pêk a.

JOSUA 18:9

Chun, mihai chu an feh a, ram chu an va fang a, hmun sariah an ṭheh a, lekhabuah a khuoin an ziek suok a, riebûk Siloa chun Josua kuomah an fe nâwk a.

JOSUA 19:51

Chuonghai chu a nih thiempu Eleazar hai, Nun naupa Josua hai le Israel thlahai hnam sûngkuo upahai- in Siloa LALPA hmaa inbiekna puon in kawtkhâra aisâna an rochan dinga an lo sempêk tahai chu, chuongchun, ram ṭhe chu an zo tah a nih.

JOSUA 23:4

Ngai ta u, hieng hnam a la umhai hi, hieng hnam ka sukbo tahai po po ramhai le hin, Jordana inthawka nisa tlâkna tieng Tuisuoriet Lien tlung rakin in chihai rochanah ka ruotpêk cheu a nih.