JOSUA 17:14 - Pathien Lekhabu Inthieng (BSI)

¹⁴ Josef thlahai chun Josua kuom- ah, “Iengtiziea rohluo ding chanpuol pakhat le chan khat chau i mi pêk bîk am a na, LALPA hlakin mal a mi sâwm nasa a, kan tam hle sih a?” tiin an hril a.

JOSUA 17:14 ပူးပေါင်းရင်းမြစ်များ

INṬANNA 48:19

Nisienlakhawm, a pa chun a nuom nawh a, “Ka hriet deh, ka naupa, ka hriet, ama khawm hnama hril khawpin um a ta, ama khawm ropui bawk a tih; amiruokchu, a sang hi ama nêkin ropui lem a ta, a thlahai khawm hi chi tum tum tamtak la hung nîng an tih,” a tih a.

INṬANNA 48:20

Chuongchun, chu ni chun anni chu mal a sâwm a: “Israelhai chun, ‘Ephraim le Manasse angin Pathienin inumtir raw se che,’ tiin, nangni hming sâlin mal la sâwmpêk hlak an tih,” tiin. Chuongchun, Ephraim chu Manasse hmaah ân umtir tah a.

INṬANNA 48:22

Chu naw khawm chu i unauhai chanvo nêk chun chan khatin ka pêk chuong che, ka kâwlhnâm le ka thalngula Amor mihai kuta inthawka ka lâkpêk kha,” a tih a.

EZEKIEL 48:5

Manasse ramria chun, saktieng panga inthawka thlangtieng pang chen chu; Ephraim, chan khat.

NAMBAR 13:7

Issakar hnama mi Josef naupa Igal.

NAMBAR 26:54

A tam deuhai chu ram pe tam deu i ta, a tlâwm deuhai chu pe tlâwm deu i tih; an tam dân ang peiin ram chu pêk seng ding a nih.

NAMBAR 36:12

Milka hai, Noa hai chun an pa unaupa naupasalhai an nei tâwl a, Josef naupa Manasse naupasalhai an nei a, an ram chu an pahnama chun a um zing tah a.

JOSUA 16:4

Chuongchun, Josef thlahai Manasse le Ephraim chihai chun chanpuolah an nei a.

JOSUA 17:15

Josua chun an kuomah, “Chuonga tam in ni chun, Periz mihai le Ephraim mihai ram rampuihai khi, fe unla, in umna dingin hang vât ta unla, Ephraim tlâng ram in ta dinga a chîn taluo chun,” a tih a.