JOSUA 11:20 - Pathien Lekhabu Inthieng (BSI)

²⁰ LALPAIN Mosie thu a pêk ang anga sukchimit vawng a, ditsakna nei dêr loa a sukbohmang theina dinga an lungril sukngarpêka Israel- hai indotir hlaktu chu LALPA chu a ni sih a.

JOSUA 11:20 ပူးပေါင်းရင်းမြစ်များ

2 SAMUEL 17:14

Chuongchun, Absalom le Israel mi po pohai chun, “Ark mi Husai remruot chu Ahithophel remruot nêk chun a ṭha lem,” an ti tah a. LALPA chun Absalom chunga chun thil ṭha naw ân tlungtir theina dingin LALPA chun Ahithophel remruot ṭhatak chu letthla dingin a lo ruot ta hrim a nih.

1 LALHAI 12:15

Chuongchun, lal chun, mipuihai thuhril kha a pawm ta nawh a, chu chu LALPA lei a nih, LALPA chun Silo mi Ahija hmanga, Nebat naupa Jeroboam kuoma a thu lo hril ta kha a suknghet theina dingin.

2 CHANCHIN SUINA 22:7

Chuongchun, Ahazia bohmangna chu Pathiena inthawk a na, Joram kuoma a hang fe lei tak chu a nih; chuonga a hung lai chun, Ahab sûng- kuo chu sât thlatu dinga LALPAIN hriek a lo nâl tah Nimsi naupa Jehu chu do dingin Joram le khan a hang fe ve sih a.

2 CHANCHIN SUINA 25:16

Chun, ama le an inbiek zing lai chun lal chun a kuomah, “Lal thurawnpuituah kan siem che am a nih? Fîmkhur rawh; iengdingin am thatin um i ta?” a ta. Chuongchun, zâwlnei chun, “Ka thurâwn chu i pawisa nawh a, hi thil hi i thaw leiin, Pathien chun suksiet a tum che a nih ti ka hriet a nih,” a ta, a to tah a.

FESUOKNA 10:1

LALPA chun Mosie kuomah, “Pharao kuomah va lût la, hieng ka inchiknahai hi anni lai ngeia kân entir theina dingin a siehlawhai le ama lungril ngei khawm chu ka sukngar tah a nih;

FESUOKNA 11:10

Mosie le Aron chun Pharao hmaa chun thilmakhai po po chu an thaw tah a; nisienlakhawm, LALPA chun Pharao lungril chu a sukngar a, Israel thlahai chu a rama inthawk ân fe suoktir chuong nawh a.

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

FESUOKNA 14:4

Chun, Pharao lungril chu suk- ngar ka ta, anni chu hung hnawtzui a tih; chun, Pharao le a sipaihai chungah ropuina chang ka tih: chun, Aigupta mihai chun LALPA ka ni mi hre tâng an tih,’ tiin,” a tih a. Chuong ang tak chun an thaw tah a.

FESUOKNA 14:8

Chun, LALPA chun Aigupta lal Pharao lungril chu a sukngar a, Israel thlahai chu a hnawt zui tah a; Israel thlahai chu muongchara suok an ni sih a.

FESUOKNA 4:21

LALPA chun Mosie kuomah, “Aiguptaa i kîr nâwk pha, i kuta thilmak ka sie po pohai kha Pharao hmaah thaw ngei i ta; nisien- lakhawm, mihai chu ân fetir nawna dingin a lungril chu ka sukngar ding a nih.

FESUOKNA 9:12

Chun, LALPAIN Pharao lungril chu a sukngar a, LALPAIN Mosie kuoma a hril ta angin an thu hril chu a ngai chuong nawh a.

FESUOKNA 9:16

nisienlakhawm, hi thilthaw kawng ngeihaia hin ka thilthawthei- nahai chu nangmaa inentir a ni theina ding le khawvêl po poa ka hming chu phuongdar a ni theina dingin ka la dawmngir zing che a ni hi.

ISAI 14:24

Sipaihai LALPA chun hieng anga hrilin ṭawng ân khâm tah, “Matheiloin ka ngaituo ang tak hin hung tlung a ta;

ISAI 34:2

LALPA chun hnam tinrêng chung- a chun lungninawna a neiin, an sipai- hai po po chunga chun lunginsenna a nei sih a; anni chu a sukbohmang vawng a, that dingin a pêk tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:18

Chuongchun, Pathienin a nuom po a lunginsiet a, a nuom po a suklulul hlak a nih.

DÂN PAHNINA 2:30

Nisienlakhawm, Hesbon lal Sihon chun a rama chun a mîn fe thlengtir phal nawh a; LALPA in Pathien chun vawisûna anga in kuta a pêk theina ding cheuin a lungril a sukngarpêk a, a suklulul a nih.

DÂN PAHNINA 7:16

LALPA in Pathienin a pêk ding cheu hnamhai po po chu in sukbo- hmang vawng ding a nih, in lungin- siet ding a ni nawh a, an Pathien rawng khawm in bâwl ding a ni nawh; in ta dingin châng a ni el ding a ni sih a.

RORELTUHAI 14:4

Nisienlakhawm, a nu le pa chun, chu chu LALPA thaw a nih ti an hriet nawh a; Philistin mihai chunga remchâng a zawng a ni sih a. Chuong lai chun Philistin mihai chun Israel mihai chungah ro an rêl a.

1 SAMUEL 2:25

Mi pakhat mi dang chunga a suol chu Pathienin rorêlpêk a ta, amiruokchu mi, LALPA chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom nawh a, LALPA chun anni chu a sukhlum ngei ding a ni sih a.