JOSUA 1:2 - Pathien Lekhabu Inthieng (BSI)

² “Ka siehlaw Mosie chu a thi tah a; tho la, nang le hieng mipui po pohai le hin Jordan hi kân unla, anni Israel thlahai ngei ka ipêk rama chun fe ro.

JOSUA 1:2 ပူးပေါင်းရင်းမြစ်များ

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kum- khaw ro dingin ka pêk ding cheu a nih; chun kei hi an Pathien nîng ka tih,” a tih a.

NEHEMIA 9:23

An thlahai chu vâna arasi zâtin i sukpung bawk a; an hluo dinga an pi le puhai kuoma i lo hril tah rama chun i ṭhuoi lût tah a.

JOB LEKHABU (THE BOOK OF JOB) 1:8

Chun, LALPA chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le, mi tluong le, Pathien ṭi mi le, suol nghatsan mi an um si nawh a,” a tih a.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

NAMBAR 12:7

Ka siehlaw Mosie hi chu chuong ang chu a ni nawh; ka sûngkuo thu po poa chun ring a um a nih;

DÂN PAHNINA 3:28

Amiruokchu, Josua hi thu pe la, infui ṭha la, sukhrât rawh, hieng mipuihai hi a ṭhuoikai ding a na, i hang hmu ding ram chu ân hluotir ding a nih,’ a mi tih a.

DÂN PAHNINA 31:7

Chun, Mosie chun Josua chu a ko a, Israel mi po pohai mithmuah a kuomah, “Hrâttak le huoitakin um rawh, hieng mihai kuoma hin an pi le puhai LALPAIN inkhâma pêk a lo tiem ta rama chun i fe ve ding a nih, anni hi în hluotir ding a nih.

DÂN PAHNINA 34:5

Chuongchun, LALPA siehlaw Mosie chu LALPA thu angin Moab rama chun a thi tah a.

JOSUA 1:1

LALPA siehlaw Mosie chu a thi hnung chun, Mosie rawngbâwltu Nun naupa Josua kuoma chun LALPAIN,

JOSUA 1:11

“Riebûk chu va fang unla, mi- puihai kuoma chun, ‘Fâk dinghai buot- sai ro khai, ni thum sûngin LALPA in Pathienin ram hluo ding a pêk cheu hi hluo dingin Jordan vadung hi in kân ding a nih,’ tiin thu pe ro,” tiin.