JONA 4:2 - Pathien Lekhabu Inthieng (BSI)

² LALPA kuoma chun a ṭawngṭai a, “Aw LALPA, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, thil ṭha nawa inthawka inlêt nâwk hlak i ni ti ka hriet a.

JONA 4:2 ပူးပေါင်းရင်းမြစ်များ

1 LALHAI 19:4

Ama ruok chu thlalêrah ni khat lama hlaah a feh a, Juniper thing hnuoia hin a ṭhung a, thi a hni tah a, “A hun tah ie, aw LALPA, tuhin ka hringna hi la el ta, ka puhai nêkin ka ṭha chuong bîk si nawh a,” a ta.

INPÂKNA HLABU 103:8

LALPA chu lainatnaa sip, mi lunginsiet theitak, Lunginuoitak, ngilneina hautak a nih.

INPÂKNA HLABU 145:8

LALPA chu mi lunginsiet thei, lainatnaa sip, Lunginuoi, ngilneina nasatak nei a nih.

INPÂKNA HLABU 78:38

Nisienlakhawm, ama chu lai- natnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

INPÂKNA HLABU 86:15

Nisienlakhawm, aw LALPA, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

LALPA, nang chu i ṭhah a, ngaidam i pei a, A kotuhai che phawt kuomah zainêmna i hau sih a.

INPÂKNA HLABU 90:13

Aw LALPA hung kîr nâwk la, ieng chen am i lunginsen ding a na? I siehlawhai chungthua chun i lungril inlêt rawh.

FESUOKNA 32:14

Chun, LALPA chun a mihai chunga thâwng ka tih tiha a hril thil ṭhanaw chu a lâkkîr tah a.

JEREMIA 18:8

chu hnam, a chungthu ka hril chu an thil ṭha nawa inthawka an hung kîr chun, thil ṭha naw an chunga thaw dinga ka ngaituo chu la kir ka tih.

JEREMIA 20:7

Aw LALPA, nang chun i mi lo aikei tah a, ailâkin ka um tah a, nang chu keia nêkin i hrât lem a, i hne tah a, sûnnithlâk elin nuizatbûr ka na, mi tin el chun an mi nuiêu a.

JEREMIA 26:13

Chuleiin, tuhin in thilthawhai le in umdânhai chu siemṭha unla, LALPA in Pathien râwl chu awi ro; chuongchun, nangni dodâla LALPA- IN thil ṭha naw a lo hril ta khawm chu lamlêt a tih.

JEREMIA 42:10

Hi rama hin in chêng zing chun, rem ka ti cheu a, ṭhiek naw ning cheu, phun ka ti cheu a, phawidawk naw ning cheu, in kuoma thil ṭha naw ka thaw kha ka lamlêt ta sih a.

AMOS 7:3

Hi thu tieng hin LALPA chu ân lêt a, LALPA chun, “Ni nâwk ta naw nih,” a ta.

AMOS 7:6

Hi thu tieng hin LALPA chu ân lêt a, Lalpa PATHIEN chun, “Hi khawm hi ni ta naw nih,” a ta.

JONA 1:3

Nisienlakhawm, Jona chu LALPA hmaa inthawka Tarsis-a tlân hmang dingin a tho tah a; chun, Joppa khuoah a zuk feh a, Tarsis khaw pan ding lawng a hmuh a, chuongchun, a chuong man ding chu a pêk a, LALPA hmaa inthawk chun Tarsis pan dinghai le fe dingin lawnga chun a lût thla ve tah a.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah thaw a tum thil ṭha naw chu, Pathien chun ân lêt a; a thaw ta nawh a.

JONA 3:9

Ei bohmang nawna dingin, Pathien chu kîrin, lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

MIKA 7:18

Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

LUKA 10:29

Ama ruok chun thiem inchang- tir a tum a, Isu kuomah, “Anleh, ka vênghai chu tuhai am an na?” a ta.

DÂN PAHNINA 4:31

LALPA in Pathien chu zângai theitak Pathien a ni sih a; thlâthlam naw ni cheu a, sukbohmang naw bawk a ti cheu a, in pi le puhai kuoma inkhâma a thutiem chu theinghil naw bawk a tih.