JONA 2:7 - Pathien Lekhabu Inthieng (BSI)

⁷ Ka hringna chu ka sûnga a chau lai chun, LALPA chu ka hriet zing a; Ka ṭawngṭaina chu i biekin inthienga chun i kuomah a hung tlung a nih.

JONA 2:7 ပူးပေါင်းရင်းမြစ်များ

2 CHANCHIN SUINA 30:27

Chun, thiempuhai, Levi mihai chu an tho a, mipuihai chu mal an sâwmpêk a; an râwlhai chu hrietin a um a, an ṭawngṭainahai chu a umna inthieng vâna chun a hang tlung a.

INPÂKNA HLABU 11:4

LALPA chu a biekin inthiengah a um a, LALPA chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

INPÂKNA HLABU 142:3

Ka thlarau ka sûnga a châu lai khan, nangma ngeiin ka lampui chu i hriet a; Ka fena lampuia hin ka âwk- na dingin châng an kam inrûk a.

INPÂKNA HLABU 143:5

Tienlai nihai chu ka hriet zing hlak a, I thilthaw po pohai chu ka ngaituo hlak a; I kut sinthawhai chu ka sût hlak.

INPÂKNA HLABU 18:6

Ka lunginzîngin LALPA chu ka ko hlak a, Ka Pathien ka ko hlak; Ama chun a biekina inthawk chun ka râwl chu a hriet a, A hmaha ka khêkri chu a naah a lût tah a.

INPÂKNA HLABU 20:7

Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun LALPA kan Pathien hming chu lam lem kan tih.

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

INPÂKNA HLABU 27:13

Mi hring rama hin, LALPA ṭhatna hmu inring naw lang chu ka chau ta ding a nih.

INPÂKNA HLABU 42:11

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni sih a. Ka hmêl sukmawitu le ka Pathien chu.

INPÂKNA HLABU 42:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, a hmêla damna lei chun, Ama chu ka lân pâk ding a ni sih a.

INPÂKNA HLABU 43:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni sih a. Ka hmêl sukmawitu le ka Pathien chu.

INPÂKNA HLABU 65:4

Mi, i biekin inhuonna sûng tuollaia um thei dinga, I thlanga, i kuom tieng i înpantir chu a hamṭha: I in ṭhatna chun tlai kan ta, I biekin hmun inthieng ṭhatna chun.

ISAI 38:17

Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim tah a; Ka suolhai po po kha i hnungtienga chun i pei vawng sih a.

ISAI 50:10

Nangni laia LALPA chu ṭih a, a siehlaw thuawi chu, tu am a na? Inthima lênga var hrim hrim nei naw chun LALPA hming chu ring sienla, a PATHIEN chungah innghat raw se.

JONA 2:4

Chun, ‘I mithmua inthawka pei suok ka na, Nisienlakhawm, i biekin inthieng tieng ngha nâwk ka tih,’ ka ta.

MIKA 1:2

Nangni chihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.

HABAKKUK 2:20

LALPA ruok chu a biekininthienga chun a um a, Leihnuoi po po chu a hmaah to ṭhiep raw se.

HEBRAIHAI 12:3

In hung sâwl a, in thlarau tieng in hung chau nawna dingin, misuol- hai theidana nasatak tuormuolsuotu ngei chu ngaituo ro.

1 SAMUEL 30:6

Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienla- khawm, David chu a Pathien LALPAA chun ân sukhrât a.