JONA 2:10 - Pathien Lekhabu Inthieng (BSI)

¹⁰ Chun, LALPA chun nga chu a biek a, Jona chu khawmuolah a luok suok tah a.

JONA 2:10 ပူးပေါင်းရင်းမြစ်များ

INṬANNA 1:11

Chun, Pathienin, “Hnuoi hin hlo dâm, thlai chi nei dâm, thei kûng hnuoi chunga mâni chi um dân ding anga ra, a ra sûnga a chi um dâm chu hung insuo raw se,” a ta: chuong angtak chun a hung um tah a.

INṬANNA 1:14

Chun, Pathienin, “Sûn le zân ṭhêna dingin vân boruok lientaka chun varhai um sienla, chuonghai chu inchikna dâm, hunbi dâm, ni dâm, kum dâm hrietna ding ni raw se;

INṬANNA 1:3

Chun, Pathienin, “Var hung um raw se,” a ta; chuongchun, var a hung um tah a.

INṬANNA 1:7

Chuongchun, Pathienin boruok lientak chu a siem a, boruok lientak hnuoia tui umhai le boruok lientak chunga tui umhai chu a ṭhe tah a: chuong angtak chu a lo ni tah a.

INṬANNA 1:9

Chun, Pathienin, “Vân hnuoia tui umhai chu hmun khatah luong khâwm sienla, khawmuol chu inlang raw se,” a ta: chuongchun, chuong angtak chun a hung ni tah a.

INPÂKNA HLABU 105:31

Ama chun thu a hril a; chuongchun, tho tamtak an hung a, Hrik khawm an ram sûng po poah an hung bawk a.

INPÂKNA HLABU 105:34

Ama chun thu a hril a; chuong- chun, khâuhai an hung a, Tuktulunghai leh, tiem seng ruollo tawp el hin.

INPÂKNA HLABU 22:26

Thuhnuoirawlhai chun fâng an ta, tlai an tih: Ama zawngtuhai chun LALPA chu inpâk an ta, An lungril chu kumkhuoin hringin um raw se.

INPÂKNA HLABU 33:9

Ama chun a hril a, a hung um tah a, Thu a pêk a, a hung det ta sih a.

ISAI 38:20

LALPA chu a mi sandam dingin ân zosa zing a nih, Chuleiin, ka dam sûng po poin, LALPA ina chun, Ka hlahai hi ṭingṭang leh sak ka tih.

ISAI 43:11

Kei, keima ngei hi, LALPA chu ka nih; keima naw chu sandamtu hrim hrim an um nawh.

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

HOSEA 13:4

Kei ruok hi chu Aigupta rama inthawk tah a, LALPA i Pathien chu ka na, Kei ti naw chu Pathien dang i hriet ngai nawh a; Kei naw hi chu sandamtu dang an um nawh.

HOSEA 14:3

Assuria chun mi sandam naw nih a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni sih a,” tiin.

JONA 1:17

Chun, LALPA chun Jona lem dingin nga lientak a lo ruot tah a; chu nga sûnga chun Jona chu ni thum le zân thum a um a.

JONA 3:1

Chun, LALPA thu chu Jona kuoma chun a hung tlung nawn nâwk a: