JONA 1:5 - Pathien Lekhabu Inthieng (BSI)

⁵ Chun, lawng mihai chun an ṭih a, mâni pathien an ko seng a; lawng chu an ta dinga a zângna dingin lawng sûnga thuomhnawhai chu tuisuorieta chun an pei suok tah a, Jona ruok chu lawng sûngril taka chun a lo lût tah a, a lo zâl a, a lo ininnghil dêr tah a.

JONA 1:5 ပူးပေါင်းရင်းမြစ်များ

1 LALHAI 18:26

Chun, bâwngchal an puol chu an lâk a, an buotsai tah a, “Aw Baal, mi hung dawn raw khai,” tiin zîngkâra inthawka sûn chenin Baal hming chu an ko a. Nisienlakhawm, riva iengkhawm a um dêr nawh a, a dawntu hrim hrim hlak an um bawk nawh. Chun, an maichâm siem vêla chun an inchâwm an inchâwm el a.

JOB LEKHABU (THE BOOK OF JOB) 2:4

Setan chun LALPA chu a dawn a, “Vun aiah vun; anih, miin a thil nei po po chu a hringna dingin a pêk phal âwm hrim a nih.

INPÂKNA HLABU 107:25

Ama chun thu a pêk a, thlipui ân hrângtir a, Chu chun a tuifâwnhai chu a suksâng hlak.

INPÂKNA HLABU 148:8

Mei le riel dâm, vûr sûr le sûmhai, A thu zâwm hlak thlipuihai;

THUHRILTU 3:6

Zawng hun le inhmang hun a um a, Vawng hun le peihâwn hun a um a;

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siem- fâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

JEREMIA 2:28

Anleh, i pathienhai i ta dinga i siemhai kha khaw lai am an um a? I buoi lai huna an sanhim thei che chun inthotir ta la; i khawpuihai tamzie ang peiin i pathienhai chu an tam sih a, Aw Juda.

HOSEA 7:14

An lungril takin an mi ko nawh a, An khum laizâwlah an chierinthluok mei mei a nih; Bu le uoin dingin an inkhâwm a, ka chunga chun an hel sih a.

JONA 1:14

Chuleichun, LALPA chu an ko a, “Aw LALPA, hi mipa hringna lei hin mi sukbohmang naw la, mithiem thisen maw chu kan chunga innghat lul lo dingin kan ngên che, Aw LALPA, kan ngên che, nangin i nuom anga i thaw a ni sih a,” an tih a.

JONA 1:16

Chuongchun, mihai chun LALPA chu nasatakin an ṭi tah a; LALPA kuoma chun inthawina an inhlân a, thu dâm an tiem tah a.

JONA 1:6

Chuongchun, lawng hotu chu a kuoma chun a hung a, “Aw nang a inpa, iengtizie am a na? Tho la, i Pathien ko rawh, Pathien chun, ei bohmang nawna dingin a mi ngaituo rawi mawh,” a ta.

MATTHAI 25:5

Chun, mo neitu chu a hung intak leiin, an rêngin an lo inlusuh a, an lo in tah a.

MATTHAI 26:43

Chun, a hung nâwk a, anni chu inin a hung hmu nâwk a, an îmu a suok hle sih a.

MATTHAI 26:45

Chu zoa chun, inchûktirhai kuomah a hung nâwk a, an kuomah, “Tuhin chu in unla châwl ta ro! Ngai ta u; a hun chu a hung tlung tah a, Mihriem Naupa hi mi suolhai kutah an inmantir ding a ni hi.

THILTHAWHAI 27:38

Chun, an fâk khawp chun bu chu tuisuorietah an pei a, lawng an sukzâng deu a.

RORELTUHAI 16:19

Chun, a mal chungah a in innghiltir a, chun pasal a ko a, a sam phier sari chu ân âttantir ta vawng a, a sawisa ṭan tah a; chuongchun, a hrâtna chu a hung bo vawng el tah a.

1 SAMUEL 24:3

Chun, lam kârlaka chun berâm huon umna pûk hi a va tlung a; chun, Saula chu inthier fihlîm dingin a va lût a. Chun, David le a mihai chu pûk sûngril tieng chun an um a.