JONA 1:4 - Pathien Lekhabu Inthieng (BSI)

⁴ Nisienlakhawm, LALPA chun thli natak el tuisuorieta chun ân hrângtir a, tuisuorieta chun thlipui nasatak el chu a hrâng tah a; chuongchun, lawng chu kawi ding ang elin a um tah a.

JONA 1:4 ပူးပေါင်းရင်းမြစ်များ

INPÂKNA HLABU 135:6

LALPA chun a nuom taphawt chu a thaw hlak a, Vânahai, hnuoiahai, tuisuorietahai, tui inthûktak po pohaia khawm.

INPÂKNA HLABU 135:7

Ama chun sûmhai chu kâwlkila inthawkhai chun ân lâwntir hlak a, Kâwlinlep dâm ruo dingin a siem hlak, A sum ina inthawkhai chun thli a lâk suok hlak.

INPÂKNA HLABU 148:8

Mei le riel dâm, vûr sûr le sûmhai, A thu zâwm hlak thlipuihai;

FESUOKNA 10:13

Chuongchun, Mosie chun Aigupta ram chunga chun a hmawl chu ân let tah a; chun, LALPA chun chu ni sûnnithlak le zânkhawvârin ram chunga chun sak thli ân hrângtir a; chun, zîngtieng a hung ni chun, sak thli chun khâuhai chu a hung lên tah a.

FESUOKNA 10:19

LALPA chun khâuhai po po chu lêna, Tuipui Sena khal lût vawngtu, thlang tieng thli hrâttak el chu ân hrângtir tah a, Aigupta ram po poa chun khâu pakhat khawm a um ta nawh a.

FESUOKNA 14:21

Chun, Mosiein tuipui chunga chun a kut a phar a, chun LALPAIN sak thli hrâttak zânkhawvâra hrâng- in tuipui chu ân luong kîrtir a, tuipui chu ram ṭâwlah a siem a, tuihai chu an inṭhe tah a.

FESUOKNA 15:10

Nangin i thli chun în mûttir a, tuipui chun anni ân khum tah a: Tui hrâtahai chun suon tlang angin an tlum hmang tah a.

JEREMIA 51:16

a râwl a hung insuo pha chun, vânhaia tuihai ân ri hum hum a; leihnuoi tâwphaia inthawk chun tui- hu dâm chu ân zâmkaitir bawk a, ruo ta dingin kâwlinlephai chu a siem a, a robâwmhaia inthawk chun thlihai chu a hung lâk suok a.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming LALPA, sipaihai Pathien chu a ni sih a.

NAMBAR 11:31

Chun, LALPA kuoma inthawk chun thli a hung hrâng a, tuisuorieta inthawk chun vamîm a hung lên a, bûk khingtieng ni khat lam, khing- tienga ni khat lam bawk dâpin bûk vêla chun tawng hni laia insângin ân tlâktir a.