JONA 1:12 - Pathien Lekhabu Inthieng (BSI)

¹² Ama chun an kuomah, “Mi pawm kâng unla tuisuorieta hin mi the lût el ro; chuongchun, tuisuoriet hi in ta dingin fâwn ta naw ni hai; keima leiin hi thlipui nasatak el hi in chungah a hrâng a nih ti ka hriet sih a,” a ta.

JONA 1:12 ပူးပေါင်းရင်းမြစ်များ

2 SAMUEL 24:17

Chun, Davidin mi sukhlumtu vântirko a hmu chun LALPA a biek a, “Ngai ta, ka lo suol tah a, indik nawtakin thil ka lo thaw tah a nih; nisienlakhawm, hieng berâmhai hin ieng thil am an thawh a? I kut chun keima le ka pa sûnghai mi tâwk lem raw se aw,” a ta.

1 CHANCHIN SUINA 21:17

Chun, David chun Pathien kuoma chun, “Mipuihai chu tiem dinga thu pe kha kei ka ni naw am a nih? Khawhlotaka thawa, lo suk- suol ta kha kei ngei ka nih; ami- ruokchu, hieng berâm ruolhai hin ieng am an thawh a? Aw LALPA ka Pathien, ka hni che, i kut chu ka chunga le ka thlatuhai sûngkaw chunga hin tla sienla; i mihai chung- ah ni loin, hri tuora an um nawna dingin,” a ta.

JOB LEKHABU (THE BOOK OF JOB) 35:8

I rîtlona chun nangma ang bawkin mi a sukna thei a, Chun, i felna chun mihriem naupa chu a sukhlâwk thei a nih.

THUHRILTU 9:18

Varna chu indona thuomhnaw- hai nêkin a ṭha lem a; amiruokchu, mi suol pakhat khawma nasatakin a suksiet a nih.

JONA 1:11

Chuongchun, a kuoma chun, “Ei ta dinga tuisuoriet hi a fâwn nawna dingin i chungah ieng am kan thaw ding?” an tih a, tuisuoriet chu a fâwn nasa deu deu el sih a.

JONA 1:13

Nisienlakhawm, mihai chun khawmuola kîr dingin an kar rak rak a, amiruokchu, an thei nawh a, tuisuoriet hlak chu an chungah a fâwn nasa deu deu el sih a.

JOHAN 11:50

Ei chi po po bohmang nawna dingin, mi po po nêka mi pakhat thi in ta dingin a ṭha ti in ngaituo bawk nawh,” a ta.

THILTHAWHAI 27:24

‘Paula, ṭi naw, Kaisar hmaah i ngîr ding a nih; chun, ngai rawh, lawnga i kuoma fehai po po khawm hi Pathienin a pêk che a nih,’ a mi ti a nih.

JOSUA 7:12

Chuleichun, a nih annâwm Israel thlahaiin an hmêlmahai an ngam thei naw; mawchang an lo ni ta leiin annâwm an hmêlmahai an hnung innghat el chu; thil pumpêk chu in laia in sukbo phawt naw chun in kuoma hin ka um ta naw ding a nih.