JOHAN 8:58 - Pathien Lekhabu Inthieng (BSI)

⁵⁸ Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

JOHAN 8:58 ပူးပေါင်းရင်းမြစ်များ

FESUOKNA 3:14

Pathien chun Mosie kuomah, “UMA kha KA NIH” a tih a. Chun, ama bawkin, “Israel thlahai kuoma chun, UMA khan in kuomah a mi tir a nih, tîng i tih,” a ta.

ISAI 43:13

Anih, ni um china inthawk khan kei chu ama chu ka nih, chuongchun, ka kuta inthawka sansuok thei tu- khawm an um dêr nawh, sin thâwng ka ta, tuin am chu chu sût an ta?” tiin.

ISAI 44:6

LALPA Israelhai Lal, an intlantu sipaihai LALPA chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hriet- puituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 48:12

Aw Jakobhai le ka ko Israelhai, ka thu hi ngai ro; kei hi ama chu ka nih; a hmasa tak chu ka na, a nu- hnung tak khawm ka nih.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

JOHAN 10:25

Isûn an kuomah, “Ka hril ta cheu kha in awi si nawh; ka Pa hminga thil ka thaw hi, hieng hin ka chanchin ân hriettir a ni hi.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

JOHAN 17:5

Aw Pa, khawvêl um hmaa i kuoma mawina ka inei khan, tuhin nangma kuoma ngei mi chawimawi rawh.

JOHAN 8:24

Chuleiin, in kuomah, ‘In suol nei zingin thîng in tih,’ ka ti kha; ama chu ka nih ti in awi naw chun, in suol nei zingin thi mawl in tih,” a ta.

JOHAN 8:28

Chuongchun, Isu bawkin, “Nangnîn Mihriem Naupa hi in khai kâng hnungin, ama chu ka ni le, kei mâni thuin thil iengkhawm ka thaw nawh a, Pain a mi hril ang peiin hieng thu hi ka hril a nih ti la hung hrieng in tih.

JOHAN 8:34

Isûn an kuomah, “Titakzetin, titakzetin ka hril cheu hi, tûkhawm thil suksuol taphawt chu suol suok a nih.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

KOLOSSA 1:17

Chun, ama hi chu iengkim um hmain a um hrim a nih, amaa chun iengkim a ngir khâwm bawk a nih.

HEBRAIHAI 13:8

Isu Krista chu zâni leh, vawisûn leh kumkhuo khawmin a pângngaiin um rawp a tih.

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 2:8

“Chun, Smurnaa kohran tirko kuoma chun hieng hin ziek rawh:— “ ‘Hmasatak le Nuhnungtak, thia hung hring nâwk ta khan, hieng thu hi a hril a nih: