JOHAN 8:55 - Pathien Lekhabu Inthieng (BSI)

⁵⁵ nangnîn ama in hriet si nawh; kei ruok chun ama ka hriet; ‘Ama ka hriet nawh,’ ti lang nangni anga khêlhlip bawk nîng ka tih; chuong- chun, ama ka hriet a, a thu khawm ka zâwm hlak.

JOHAN 8:55 ပူးပေါင်းရင်းမြစ်များ

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 9:3

Thudik nawa dingin an thalngul ang elin an lei chu an thlep a; chu rama chun thahrâttakin an hung inṭhang a, thudika ruok chun ni loin; thil suola inthawkin thil suola vêk chun an pakai a, kei khawm an mi hriet hlawl nawh, LALPA chun a tih.

HOSEA 5:4

An Pathien tienga nghakîr dingin, An thil thaw hlakhai chu an bânsan nawh a; Nawchizawr lungril anni lai a um sih a, LALPA chu an hriet naw a nih.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a phuong nuom- nahai chau naw chun tukhawmin Pa chu an hriet bawk nawh.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 10:15

Pain a mi hriet a, kei khawmin Pa ka hriet ang hin; chun, berâmhai ta ding chun ka hringna ka pêk.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 15:21

Nisienlakhawm, hieng thil po po hi ka hming leiin in chungah thâwng an tih, keia mi tirtu an hriet naw leiin.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 17:25

Aw Pa feltak, khawvêl chun an hriet naw cheh a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 6:46

Tukhawmin Pa an hmu hlak ka ti nawh, Pathien kuoma inthawka hung suok chau naw hin chu; ama chun Pa chu a hmuh.

JOHAN 8:19

Chun, anni chun a kuomah, “I pa khâwlai am?” an tih a. Isûn “Nangnîn kei in mi hriet nawh, ka Pa khawm in hriet nawh; kei mi hrie ni unla chu, ka Pa khawm hrieng in tih,” a ta.

JOHAN 8:29

A mi tirtu chu ka kuomah a um, a mi thlâthlam nawh; a thil lâwm zâwng taphawt ka thaw pei hlak leiin,” a ta.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti sih a.

THILTHAWHAI 17:23

Ka lêng malama, chibai in ibûkhai ka en laiin, mâichâm pakhat, a chungah, ‘HRIET NAW PATHIEN TA DING,’ tia ziek ka hmu a nih. Chuongchun, hre loa chibai in ibûk hlak kha, ama thu chu ka hril cheu a ni hi.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

1 JOHAN 1:6

Inthima um siin, “Ama ka pâwl,” ei ti chun khêl ei hril a nih, thutak khawm chu ei zâwm nawh.

1 JOHAN 2:22

Isu chu Krista a nih ti awinawtu nêka khêlinhlip tu am um an ta? Tûkhawm Pa le Naupa awinaw chu Krista kaltu a nih.

1 JOHAN 2:4

A thupêkhai pawm si loin, “Ama ka hriet,” titu chu mi khêlhlip a nih, thutak amaah a um nawh.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

THUPUONGSUO 3:9

Ngai ta, Setan inkhâwmna inhai laia mi, Juda tak ni loa, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.