JOHAN 8:33 - Pathien Lekhabu Inthieng (BSI)

³³ Anni chun a kuomah, “Abraham thlahai kan nih ie, tu chen hin tu suoka khawm kan la um ngai nawh, ‘Suok ni bân a ti cheu,’ ieng ti tia i ti am a na?” an ta, an dawn a.

JOHAN 8:33 ပူးပေါင်းရင်းမြစ်များ

INṬANNA 15:13

Chun, LALPA chun Abram kuomah, “I thlahai chu anni ram ni loah mikhuolin la um an ta, chutaka chun suokin um an tih ti chiengtakin hre raw khai; chun, kum za li sukrinum an ta;

EZRA 9:9

Sal intâng kan na, amiruokchu, kan sal intângnaa khawm chun kan Pathien chun a mi nghatsan ngai nawh a, Jerusalem le Juda rama kul- hai mi pe ding le, chutaka in siehai chu siem ṭha ding le kan Pathien in chu tungding dinga thathona mi pe dingin, Persia lalhai mithmua chun kan chungah lunginsietna a hung sukpung ta lem a.

LEVI DÂN 25:42

Aigupta rama inthawka ka ṭhuoi suok, ka siehlawhai an ni sih a, suok zawra zawr ding an ni nawh.

MATTHAI 3:9

“ ‘Abraham ei thlatu a nih annawm,’ tiin inngaituo naw ro; Pathienin hieng lunghai hi Abraham thlahai dingin ân ngirtir thei ti ka hril cheu hi.

LUKA 3:8

Chuongchun, sim hming input tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.

JOHAN 19:25

Chun, Isu kraws kâwlah a nu le a nu zuorpuinu Mari, Kleopa nuhmei, le Mari Magdalin an ngîr a.

JOHAN 8:37

Abraham thlahai in nih ti ka hriet deh; ni unla khawm mi that in tum si, ka thu hin in lungrilah umna a nei naw leiin.

JOHAN 8:39

Chun, anni chun a kuomah, “Kan pa Abraham a nih,” an tih a, an dawn a. Isûn an kuomah, “Abraham nauhai in ni chun, Abraham thil thaw naw ti niu am.

JOHAN 8:43

Iengdinga ka ṭawng umzie in hriet naw am a na? Ka thu hril in ngai phâk naw lei a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:7

Abraham thlahai an ni leiin an rêngin a nauhai an ni chuong bawk nawh; “Isaka hin i thlahai tîng an tih,” ti a ni lem.

RORELTUHAI 2:18

LALPAIN rorêltuhai a siem- pêk pha chun LALPA chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun LALPA chun za a ngai nâwk hlak a.

RORELTUHAI 3:8

Chuongchun, LALPA chu Israel- hai chunga chun a lunginsen tah a, Mesopotamia ram lal Kushan-risa- thaim thu hnuoia chun kum riet an um a.

RORELTUHAI 4:3

Israel thlahai chun LALPA an ko a, Jabin chun thîr tawlailîr za kuo zet a nei sih a; kum sâwmhni sûng zet Israel thlahai chu nasatakin a nêksâwr a.