JOHAN 7:38 - Pathien Lekhabu Inthieng (BSI)

³⁸ Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.

JOHAN 7:38 ပူးပေါင်းရင်းမြစ်များ

THUVARHAI 10:11

Mi fel bau chu hringna tuikhur a na, Mi khawhlo bau ruok chu nunsietnain ân khum.

THUVARHAI 18:4

Mihriem baua thuhai chu tui inthûkhai ang a na, Varna tuihnâr chu vadungtê luonglai ang a nih.

ISAI 12:3

Chuleiin, sandamna tuikhura inthawk chun hlimtakin tui la chawi in tih.

ISAI 35:6

Chu pha chun kebaihai chu sakhi angin inchâwm an ta, ṭawng thei- nawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

ISAI 44:3

Dangchâr chunga chun tui ka hung buok ding a ni sih a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 55:1

Hung ta u, dangchâr taphawthai, tuiahai hin hung ro, tangka nei nawhai khawm hung unla, inchaw unla, fa ro; anih, hung unla, uoin le nênetui tangka pe loin, a man khawm pe loin inchaw ro.

ISAI 58:11

Chun, LALPA chun ṭhuoi rawp a ti cheh a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” LALPAIN a tih.

ZEKARIA 14:8

Chun, chu nia chun tui hringhai Jerusalema inthawkin hung suok a ta; a chenve chu saktieng tuisuoriet- ah, a chenve chu thlangtieng tuisuo- rietah, nipui lai le thlasik huna khawm a ni ding a nih.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:14

tûkhawm an kuoma ka pêk ding tui dâwn taphawt ruok chu, kum- khuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

EPHESI 5:9

(var ra chu ṭhatna le felna le thutak po poah ânlang sih a).

DÂN PAHNINA 18:15

“LALPA in Pathienin keima ang hi in unauhai laia mi, zâwlnei siem- pêk a ti cheu; a thu chu in zâwm ding a nih.