JOHAN 6:63 - Pathien Lekhabu Inthieng (BSI)

⁶³ Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

JOHAN 6:63 ပူးပေါင်းရင်းမြစ်များ

INṬANNA 2:7

Chun, LALPA Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni tah a.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiem- tir hlak.

INPÂKNA HLABU 119:50

Chu chu ka rinumnaa khawm ka thlamuongna a nih, I thu chun a mi sukhar ta sih a.

INPÂKNA HLABU 119:93

I thununna thuhai chu ieng- tika khawm theinghil naw ning, Nangin chuong chun mi i sukhar ta sih a.

THUVARHAI 4:13

Inchûktirna chu cheldet tlat la, infetir dêr naw rawh; Kawl tlat rawh, ama chu i hringna a ni sih a.

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.

JOHAN 6:68

Simon Peterin a kuomah, “Lal- pa, tu kuom am fêng kan ta? Nangin chatuona hringna thu i nei annâwm;

THILTHAWHAI 5:20

“Pathien biekinah va ngîr unla, mi kuomah hieng hringna thu po po hi va hril ro,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:17

Chuongchun, ringna chu hrietna leiin a hung um hlaka; chun, hrietna chu Isu Krista leiin a hung um.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:25

Dân zâwmtu i ni chun sertan chu a sâwt tak zet a nih; Dân bawsetu i ni ruok chun i sertan chu tan naw ang el a lo ni tah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:2

Krista Isua Hringna Thlarau dân chun suolna le thina dâna inthawk chun a mi sansuok ta sih a.

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

GALATI 5:25

Thlaraua hring ei ni chun, Thlaraua vêk um ei tiu.

GALATI 5:6

Krista Isua chun sertan ieng- khawm a ṭhahnem nawh a, sertan- naw khawm iengkhawm a ṭhahnem chuong nawh, ringna hmangainaa thaw ruok chu a ṭhahnem a nih.

GALATI 6:15

Siem thar nâwkna naw chu sertan hi iengkhawm a ni nawh a, sertannaw khawm iengkhawm a ni chuong bawk nawh.

DÂN PAHNINA 32:47

In ta dingin thil teplo mei mei a ni nawh a, in hringna a ni sih a; chun, hieng thil thaw hin, hluo ding Jordan in va kân rama chun in dam sâwt ding a nih,” a ta.

1 THESSALONIKA 2:13

Hi hi lei hin ma loin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm nawh a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 1:23

Chi se theia inthawkin ni loin, Pathien thu hring zing le um zinga chun, chi se thei nawa inthawka pieng thar in ni sih a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni loin, sie le ṭha hrietna inthienga Pathien lamna hi a ni lem).