JOHAN 5:6 - Pathien Lekhabu Inthieng (BSI)

⁶ Isûn a zâl chu a hmuh a, chuong ang chun sâwttak a um tah ti a hriet a, a kuomah, “Sukdam i nuom am?” a ta.

JOHAN 5:6 ပူးပေါင်းရင်းမြစ်များ

INPÂKNA HLABU 142:3

Ka thlarau ka sûnga a châu lai khan, nangma ngeiin ka lampui chu i hriet a; Ka fena lampuia hin ka âwk- na dingin châng an kam inrûk a.

ISAI 65:1

A mi lam ngai nawhai zawngin ka um a, a mi zawng ngai nawhai hmuin ka um a; ka hming put naw hnam kuoma chun, “Hitaka hin ka um, hitaka hin ka um,” ka tih a.

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

LUKA 18:41

chun, a kâwl a hung tlung chun, “I chungah ieng ang am ka thaw i nuom a?” a ta, a lo indawn a. Chun, ama chun, “Lalpa, hmu thei ka nuom,” a ta.

JOHAN 21:17

A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

JOHAN 5:5

Chutaka chun, kum sâwm thum pariet natna nei mi tu amanih a um a.

JOHAN 5:7

Chun, damnaw chun, “Pu, tui a hung fâwn pha dîla mi sietu ding ka nei nawh a, ka fe sûngin mi dangin an mi fe khêl nâwk hlak,” a ta, a dawn a.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.