JOHAN 20:27 - Pathien Lekhabu Inthieng (BSI)

²⁷ Chun, Thoma kuoma chun, “I kut pârin hang them la, ka kuthai en rawh; i kut hang ban la, ka nak pur rawh; ring loin um naw la, ring el rawh,” a ta.

JOHAN 20:27 ပူးပေါင်းရင်းမြစ်များ

INPÂKNA HLABU 78:38

Nisienlakhawm, ama chu lai- natnaa a sip leiin an rîtlona chu a ngaidam a, anni chu a sukbohmang nawh; Anih, vawi tamtak a lunginsenna chu a lâk kîr a, A lunginsenna chu a rêngin a chawktho nuom ngai nawh.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka tih a, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MARKA 9:19

Chun, ama chun an kuomah, “Ruolthar ringna nei nawhai, ieng chen am in kuomah um ka ta? Ieng chen am ngai thei ka ti cheu a? Ama chu ka kuomah hung ṭhuoi ro,” tiin a dawn a.

LUKA 24:39

Ka kuthai, ka kephahai hi en ro; hi keima ngei kha ka ni hi! Mi them unla en ro; in mi hmu ang hin chu thlarau chun taksa le ru a nei ve nawh,” a ta.

LUKA 24:40

[Chun, chu chu a hril zoin a kuthai, a kephahai an kuomah ân entir a.]

LUKA 9:41

Chun, Isûn “Ruolthar ringna nei loa kâwmawhai, ieng chen am in kuomah um ka ta, ngaithei ka ti cheu a? I naupa chu hitaka hin hung ṭhuoi rawh,” a ta, a dawn a.

JOHAN 20:20

Chu chu a hril zo chun, a kut le a nâk an kuomah ân entir a. Chun, Lalpa chu an hmu chun inchûktirhai chu an lâwm tah a.

JOHAN 20:25

Chuongchun, inchûktir danghai chun a kuomah, “Lalpa chu kan hmu tah,” an ta. Nisienlakhawm, ama chun an kuomah, “A kuta thîr kilna serhai kha ka hmuh a, thîr kilna serhaia chun ka kut pârhai ka khîk lûta, a nâka ka pur meu naw chun, ring naw ning,” a ta.

JOHAN 20:28

Thoman a kuomah, “Ka Lalpa le ka Pathien i nih,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:20

Chun, bawsietna chu ân lang nawk zuol theina dingin Dân a hung um nâwk nghâl a. Nisienlakhawm, suol a pungna poah lunginsietna chu a pung zuol pei hlak;