JOHAN 19:30 - Pathien Lekhabu Inthieng (BSI)

³⁰ Chun, Isûn uoin thûr chu a lo dâwn zo chun, “A kin tah,” a ta. A lu a kûn a, a thlarau ân thla tah a.

JOHAN 19:30 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

ISAI 53:10

Nisienlakhawm, LALPAIN ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, LALPA dit zâwng chu a kuta hlawtlingin um a tih.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, baw- setuhai ta ding chun a ṭawngṭaipêk a.

DANIEL 9:24

Hapta sâwm sarihai chu i mihai le khaw inthieng ta dinga bawsiet- nahai insûmna ding le suolnahai bân- sanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni loin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; suk- rêma umna ding chu ruot a ni ta sih a.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai LALPA chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 20:28

Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.

MATTHAI 27:50

Chun, Isu chu râwl inringtakin a khêk nâwk a, a thlarau ân thla tah a.

MATTHAI 3:15

Nisienlakhawm, Isûn a kuom- ah, “Tuhin remti hrâm rawh, hieng anga felna po po sukkim hi ei ta dingin a mawi a nih,” tiin a dawn a. Chuongchun, rem a ti tah a.

MARKA 15:37

Chun, Isu chu râwl inringtakin a khêk a, a thlarau ân thla tah a.

LUKA 22:37

Ka hril cheu hi, ‘Ama chu mi suol lai an tiem sa tah,’ ti ziek kha ka chungah a hung tlung ding a nih; ka chungchâng thuhai kha a tlung zo ding a ni tah,” a ta.

LUKA 23:46

Chun, Isu râwl inringtakin a khêk a, “Pa, i kutah ka thlarau kân kawltir,” a ta. Chu chu a ti zo chun a thlarau ân thla tah a.

JOHAN 10:11

Kei bêram vêngtu ṭha chu ka nih; berâm vêngtu ṭha chun berâmhai ta dingin a hringna a pêk hlak.

JOHAN 10:18

Tûkhawmin mi lâkpêk naw ni hai, keima thu thuin ka pêk lem ding a nih; pe thei ka nih, la nâwk thei khawm ka nih. Hi thupêk hi ka Pa kuoma inthawka ka hmu a nih,” a ta.

JOHAN 17:4

Nangin thil thaw ding i mi pêk kha ka thaw zo tah a, khawvêla hin ka chawimawi ta che.

JOHAN 19:28

Chu hnunga chun Isûn thil iengkim tuhin a kim tah ti a hriet a, Pathien Lekha Thu kha a tlungna dingin, “Ka dang a châr ie,” a ta.

JOHAN 4:34

Chun, Isûn an kuomah a hril a, “A mi tirtu dit zâwng thaw le, a sin thaw zo ding hi ka bu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:4

Krista chu ama ringhai po ta dingin felna an hmu theina dinga Dân suktâwpna a ni sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain in- hmaa suolnahai chu hriet naw tehlêm a thaw a nih.

1 KORINTH 5:7

Chawlṭhanglo in ni ang bawkin bei tlang thar in ni theina dingin chawl hlui chu zenfai ro. Ei Fekân Ruoiṭhena ding khawm an that ta sih a, Krista ngei chu;

PHILIPPI 2:8

Chun, mihriem anga hung umin ân ngaitlâwm a, thi khawp raka thu zâwmin a lo um tah a, krawsa thina ngei chu.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngai- damna hrim a um nawh.