JOHAN 19:28 - Pathien Lekhabu Inthieng (BSI)

²⁸ Chu hnunga chun Isûn thil iengkim tuhin a kim tah ti a hriet a, Pathien Lekha Thu kha a tlungna dingin, “Ka dang a châr ie,” a ta.

JOHAN 19:28 ပူးပေါင်းရင်းမြစ်များ

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

INPÂKNA HLABU 69:21

Ka bu dingin thil kha an mi pêk nâwk nghâl a, Ka dang a châr hlakin uoin thûr dâwn dingin an mi pêk a,

LUKA 12:50

Nisienlakhawm, baptisma chang ding ka nei, chu chu tleitlâk hmakhat chu ka chung a va rik de aw!

LUKA 18:31

Chun, sâwm le pahnihai chu a kuomah a tumin a ṭhuoi a, an kuomah, “ngai ta u, Jerusalemah ei hang fe ding a ni hi; zâwlneihai thu ziek po po kha Mihriem Naupa chunga hin tlung a tih.

LUKA 22:37

Ka hril cheu hi, ‘Ama chu mi suol lai an tiem sa tah,’ ti ziek kha ka chungah a hung tlung ding a nih; ka chungchâng thuhai kha a tlung zo ding a ni tah,” a ta.

LUKA 9:31

ropuinaa inthuomin an inlâr a, Jerusalem khuoa a thi tleitlâkna ding thu an hril a.

JOHAN 13:1

Chun, Fekân Ruoiṭhe hmain Isûn hi khawvêl hi suok sana, Pa kuoma a fe hun a tlung tah ti a hriet a. Amaa mi khawvêla um a hmangai hlakhai chu, a tâwp chen khawmin a hmangai zing a.

JOHAN 17:4

Nangin thil thaw ding i mi pêk kha ka thaw zo tah a, khawvêla hin ka chawimawi ta che.

JOHAN 18:4

Isûn a chunga thil tlung ding po po chu a hriet zing a, a va suok a, an kuomah, “Tu am in zawng a?” a ta.

JOHAN 19:24

Chuleiin, anni chun, “Kei thlêr nâwng ei tiu, tu ta tak ding am a na, ai sân lem ei tiu,” an in tih a, Pathien Lekha Thu, “Ka silfênhai an insem a, Ka zakuo dingin ai an sân a,” ti a tlungna dingin. Chuong thil chu sipaihaiin an thaw a nih.

JOHAN 19:30

Chun, Isûn uoin thûr chu a lo dâwn zo chun, “A kin tah,” a ta. A lu a kûn a, a thlarau ân thla tah a.

JOHAN 19:36

Pathien Lekha Thu, “A ru pakhat khawm suktliek ni naw ni,” ti a tlungna dingin chuong thil chu a hung um tah a nih.

JOHAN 4:34

Chun, Isûn an kuomah a hril a, “A mi tirtu dit zâwng thaw le, a sin thaw zo ding hi ka bu a nih.

THILTHAWHAI 13:29

Chun, a thu zâwlneihaiin an ziek lâwk po po kha an hlen zo hnungin, thinga inthawk chu an lâk thlâk a, thlânah an inzâl tah a.