JOHAN 18:40 - Pathien Lekhabu Inthieng (BSI)

⁴⁰ Chun, anni chu an khêk nâwk a, “Hi mipa hi chu ni naw raw se, Barabba kha ni lem raw se,” an ta. Barabba chu suomhmang a nih.

JOHAN 18:40 ပူးပေါင်းရင်းမြစ်များ

MATTHAI 26:55

Chu lai chun, Isûn mipuihai kuoma chun, “Kâwlhnâmhai, hem- bâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si nawh a.

MATTHAI 27:16

Chun, chu lai chun, mi intâng hming inthangtak Barabba an ti chu an nei a.

MATTHAI 27:26

Chu zoa chun Barabba chu ân suopêk tah a; Isu ruok chu a vuok a, krawsa hemde dingin a pêk tah a.

MARKA 15:15

Chuongchun, Pilatin mipuihai suklungawi a nuom a, Barabba chu ân suopêk tah a. Chun, Isu chu a vuok zoin krawsa hemde dingin a pêk tah a.

MARKA 15:7

Chun, mi pakhat Barabba an ti chu, helhai laia phiera intâng ve zing a na, chuonghai chun an helnaa chun tuol an that a nih.

LUKA 23:25

Helna le tuolthat leia intângna ina intâng an ihni kha ân suoh a, Isu ruok chu an nuom nuoma an thaw dingin a pêk tah a.