JOHAN 18:33 - Pathien Lekhabu Inthieng (BSI)

³³ Chuongchun, Pilat chu a inah a lût nâwk a. Isu a ko a, a kuomah, “Judahai lal i ni maw?” a ta.

JOHAN 18:33 ပူးပေါင်းရင်းမြစ်များ

JEREMIA 23:5

Ngai ta, nihai chu a hung tlung mêk; LALPA chun a tih: David-a hin kau feltak chu hung inṭotir ka ta, ama chun lal angin rorêl a ta, vartak- in thâwng a ta; rama chun rorêlna le felna chu suksuok a tih.

ZEPHANIA 3:15

LALPA chun i chungthu rêlna chu a lâk hmang tah a, I hmêlma khawm chu a hnawt dawk tah a nih; Israel Lal, Lalpa ngei chu nangmaa chun a um a, Thil ṭha naw hril ṭi ta dêr naw ti nih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

MATTHAI 27:11

Chun, Isu chu Bawrsâp hmaa chun a ngîr a. Chun, Bawrsâp chun, “Judahai lal i ni?” tîn ân dawn a. Chun, Isûn, “I hril ang chun ka nih,” a ta.

MATTHAI 27:27

Chu zoa chun, Bawrsâp sipaihai chun Isu chu lal inah an ṭhuoi lût a, an pâwla mi po po a kuomah an ko khâwm a.

MARKA 15:2

Chun, Pilat chun a kuomah, “Judahai lal i ni am a nih?” tiin ân dawn a; ama chun, “I hril ang chun ka nih,” tiin a dawn a.

LUKA 23:2

Chun, “Hi mipa hin kan chihai a sukkhawhlo a, Kaisar kuomah sie chawi a khap bawk a, Krista, lal ân ti khawm kan hriet,” tiin an hêk a.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 12:13

tûm kauhai an chawi a, a tuok dingin an va suok a, “Hosanna, Lalpa hminga Israel Lal hung chu inpâkin um raw se,” tiin an khêk a.

JOHAN 12:15

“Ṭi naw, Zion naunu, En ta, i Lal chu, Sabengtungtê chunga chuongin, A hung ding a nih,” ti ziek ang khan.

JOHAN 18:34

Isûn “Hihi nanga lungril puoksuoka i hril am a ni, mi dangin an hril che, ka chunga thu hi?” a ta, a dawn a.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 18:38

Pilatin a kuomah, “Thutak chu ieng am a na?” a ta. Chun, chu thu chu a hril phingleh, Judahai kuomah a va suok nâwk a, an kuomah, “Iengkhawm a suol ka hmu nawh.

JOHAN 19:12

Chun, chu chena inthawk chu Pilatin inthla a tum a, nisien- lakhawm, Judahai an khêk a, “Hi mipa hi în thla chun Kaisar ruolpa ni naw ti ni, tûkhawm lala insiem taphawt chu Kaisar do an nih,” an ta.

JOHAN 19:3

chun, a kuomah an hung a, “Chibai, Judahai Lal,” an ta, an ben a.

JOHAN 19:4

Pilat chu a suok nâwk a, an kuomah, “En ta u, iengkhawm a suol ka hmu nawh ti in hrietna dingin in kuomah ka hung ṭhuoi suok hi,” a ta.

JOHAN 19:9

a inah a lût nâwk a, Isu kuomah, “Khâwtienga mi am I nih a?” a ta. Nisienlakhawm, Isûn a dawn nawh.

1 TIMOTHE 6:13

Pathien thil tinrêng sukhringtu le, Krista Isu, Pontia Pilat hmaa ṭanna ṭha ṭantu mithmua chun, thu ka pêk che;