JOHAN 14:23 - Pathien Lekhabu Inthieng (BSI)

²³ Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 14:23 ပူးပေါင်းရင်းမြစ်များ

INṬANNA 1:26

Chun, Pathienin, “Ei angpuiin, eini angtakin, mihriem siem inla, anni chu tuisuorieta nga chunga dâm, chunglêng vate chunga dâm, ran chunga dâm, hnuoi chung po poa le thilhring hnuoia bawkinvâka lâwn po po chunga dâm, thu inneitir ei tiu,” a ta.

INṬANNA 11:7

Thaw ro, zu fêng ei tiu a, ṭawng an inhriettuo thei nawna dingin khutaka khun an ṭawng zu suk- tumpêk ei tiu,” a ta.

INPÂKNA HLABU 90:1

LALPA nang chu suon po po chena kan umna i ni hlak,

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

JOHAN 10:30

Kei le Pa chu pumkhat kan nih,” tiin a dawn a.

JOHAN 14:15

“Nangnîn in mi hmangai chun, ka thupêkhai chu zâwm in tih.

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu nawh a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:21

Tukhawm ka thupêkhai nei a, zâwm chu a mi hmangaitu a nih; tûkhawm a mi hmangai chu, ka Pain hmangai a tih, kei khawmin ama chu hmangai ka tih, a kuomah inlâr rawp ka tih,” a ta.

JOHAN 14:24

Tûkhawm a mi hmangai naw chun ka thu a zâwm nawh, thu in hriethai hi ka ta a ni nawh, Pa a mi tirtu ta a ni lem.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 16:27

Pa ngeiin a hmangai si cheu a, nangnîn kei in mi hmangai a, Pathiena suok ka nih ti in ring leiin.

JOHAN 6:56

Tûkhawm ka taksa faa, ka thisen dâwn chu, keimaah a um zing hlak, kei khawm amaah ka um zing hlak.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti sih a.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni sih a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

1 JOHAN 2:24

Nangni chun chu, a tira in- thawka in hriet kha, nangniah inum- tir zing ro. Chu a tîra inthawka in hriet chu nangniah a um zing chun, nangni khawm Naupaa le Paa chun um zing in tih.

1 JOHAN 2:5

Tûkhawm a thu pawm taphawt chu amaa chun Pathien a hmangaina a famkim takzet tah a nih. Amaah ei um ti hitaka hin ei inhriet a nih.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

1 JOHAN 5:3

Pathien ei hmangaina chu hi hi a nih, a thupêkhai ei zâwm hi. A thupêkhai chu a khir si nawh a.

2 JOHAN 1:6

Chun, hi hi hmangaina a nih, ama thupêk ang peia ei um hi. Thupêk a tîra inthawka in ihriet ang chu hi hi a nih, hmangainaa chun um ro, ti hi.

THUPUONGSUO 21:22

Chun, a sûnga chun biekin hrim ka hmu nawh a; Lalpa Pathien Iengkimthawthei le Berâmte chu an biekin an ni sih a.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;

THUPUONGSUO 22:3

Chun, ṭawngsie hrim um nâwk ta naw nih a, Pathien le Berâmte lal- ṭhungpha chu um lem tâng a tih; chuongchun, a suokhai chun a rawng bâwl an ta,