JOHAN 14:17 - Pathien Lekhabu Inthieng (BSI)

¹⁷ chu chu Thlarau indiktak a nih; khawvêlin chu chu an nei thei nawh, ama an hmu nawh a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:17 ပူးပေါင်းရင်းမြစ်များ

THUVARHAI 14:10

Lungril chun ama khâkna tak chu a hriet a, Hmêlmak mi chun an hlimna chu a sukbuoi ngai nawh.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” LALPAIN a tih.

EZEKIEL 36:27

Nangnia chun ka thlarau sieng ka ta, ka thuruothai chu inhrawtir ka ti cheu a, ka thupêkhai chu zâwm in ta, thaw bawk in tih.

MATTHAI 10:20

A hriltu chu nangni in ni âwm si nawh a, in Pa Thlarau nangnia thu hriltu khan a hril lem ding a nih.

JOHAN 14:16

Chun, Pa hnîng ka ta, ama chun Thlamuongtu dang pêng a ti cheu, chatuona in kuoma um dingin;

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 15:26

“Chun, ka Pa kuoma inthawka Thlamuongtu in kuoma ka hung tir ding, Paa suok Thlarau indiktak chu, a hung tlung pha, ama chun ka thu inhriettir a tih;

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si nawh a, thu a idawng taphawt chu hril lem a tih; thil hung tlung dinghai khawm inhriettir a ti cheu.

JOHAN 6:40

Chun, hi hi ka Pa dit zâwng a nih, tûkhawm Nau hmua ring taphawt chun chatuona hringna nei sienla; chun, keiin ni kin nia chun ama chu kei tho lang,” a ta.

1 KORINTH 14:15

Iengtin am ni tâng a ti leh? Thlarauin, ṭawngṭai ka ta, hrietthei- na khawmin ṭawngṭai bawk ka tih; thlarauin hla sak ka ta, hriettheina khawmin sak bawk ka tih.

1 KORINTH 2:14

Khawvêl mi chun Pathien Thlarau thil chu a lâwm ngai nawh, ama ngaia chun invêtthlâk a ni sih a; Thlaraua hriet chieng a ni leiin a hriet thei naw hrim a nih.

1 KORINTH 3:16

Pathien in in ni le Pathien Thlarau nangniah a um ti in hriet naw am a nih?

1 KORINTH 6:19

Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni nawh a,

2 KORINTH 13:5

Ringnaa chun in um am, nangni insin hlak unla, nangni ngei infie hlak ro. Annawleh, nangniah Isu Krista chu a um ti nangni ngeiin in hriet chieng naw am a nih? dit naw in ni nghâl naw chun.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni sih a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

GALATI 4:6

Chun, nau in ni leiin Pathienin a Naupa Thlarau chu, “Abba! (Pa!)” tia khêkin, ei lungrilah a hung tir a.

EPHESI 2:22

nangni khawm amaa chun, Thlaraua Pathien umna dinga rem khâwm in nih.

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

KOLOSSA 1:27

Chuonghai kuoma chun Jentail- hai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

2 TIMOTHE 1:14

Thil ṭha i kuoma inkawltira um kha, ei sûnga Thlarau Inthieng um hin vawng ṭha rawh.

1 JOHAN 2:27

Nangni chu ama kuoma in- thawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet. Thlarau a mi pêka hin.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.

1 JOHAN 5:7

Inhriettirtu chu pathum an um,

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.