JOHAN 14:13 - Pathien Lekhabu Inthieng (BSI)

¹³ Chun, keia hminga iengkhawm in hni taphawt chu, thaw pei ka tih, Pa, Naupa leia chawimawia a um theina dingin.

JOHAN 14:13 ပူးပေါင်းရင်းမြစ်များ

MATTHAI 21:22

Chun, iengkim ringtaka ṭawng- ṭaia in hni taphawt chu hmûng in tih,” a ta, a dawn a.

MATTHAI 7:7

“Hni ro, chuongchun, pêkin um in tih; zawng ro, chuongchun, hmûng in tih;

MARKA 11:24

Chuleichun, ka ti cheu hi, iengkim ṭawngṭaia in hni taphawt chu, hmusain inngai unla, chuong- chun, hmûng in tih.

LUKA 11:9

“Chuongchun, ka ti cheu hi, hni ro, chuongchun, pêkin um in tih; zawng ro, chuongchun, hmûng in tih; nawk ro, chuongchun, hawngpêkin um in tih.

JOHAN 10:30

Kei le Pa chu pumkhat kan nih,” tiin a dawn a.

JOHAN 12:44

Chun, Isu a khêk a, “Tûkhawm keia mi ring chu keia mi ring a ni nawh a, a mi tirtu ring a ni lem.

JOHAN 13:31

Chuongchun, a suok hnung chun Isûn a hril a, “Tuhin chu Mihriem Naupa chawimawiin a um tah, ama leiin Pathien khawm chawimawiin a um a nih.

JOHAN 14:14

Nangnîn keia hmingin ieng- khawm in mi hni chun, chu chu thaw pei ka tih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 15:16

Nangnîn in mi thlang nawh a, keiin ka thlang lem cheu a, va ra ding le in ra chu um zing dingin ka ruot bawk cheu a nih; ka hminga Pa kuoma in hni taphawt a pêkna ding cheuin.

JOHAN 15:7

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

JOHAN 16:23

Chu ni chun nangnîn kei iengkhawm mîn dawn naw ti niu. Titakzetin, titakzetin ka hril cheu hi, Pa kuomah in hni taphawt chu ka hmingin pêng a ti cheu.

JOHAN 16:26

Chu ni chun keia hmingin thil hnîng in ta, chun, ‘Pa kuomah keiin ngên pêk ka ti cheu,’ ka ti naw cheu a,

JOHAN 16:7

“Nisienlakhawm, thu indiktak ka hril cheu hi, ka fe in ta dingin a ṭha; ka fe naw chun Thlamuongtu chu in kuomah a hung naw ding a ni sih a; kei ka fe ruok chun in kuomah hung tir ka tih.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JOHAN 4:14

tûkhawm an kuoma ka pêk ding tui dâwn taphawt ruok chu, kum- khuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 5:19

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.

1 KORINTH 14:13

Chuleiin, ṭawng hrietloa thu hril chun, a hrilfie theina dingin ṭawngṭai raw se.

EPHESI 2:18

Ama zârin Thlarau hmunkhata, Pa kuoma lût theina ei nei ve ve a nih.

EPHESI 3:12

Chun, Krista Isu ei ring leiin amaa vêk chun nêlna le ngamtaka lût theina ei nei.

EPHESI 3:14

Hi lei hin Pa hmaa chun ka dingṭhaṭhuon hlak:

PHILIPPI 4:13

A mi sukhrâttu Krista zâra chun iengkim ka thaw thei a nih.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro loa pe hlaktu Pathien chu hni raw se; chuongchun, a kuomah pêk nîng a tih.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 JOHAN 3:22

chuongchun, a thupêkhai ei zâwm a, a mithmuah thil lâwmum ei thaw hlak leiin, ei hni taphawt a kuoma inthawkin ei hmu pei hlak a nih.

1 JOHAN 5:14

Hi hi ama chunga ei huoina chu a nih, iengkhawm a ditzâwng anga ei hni chun amain a mi ngai pêk hlak hi.