JOHAN 12:20 - Pathien Lekhabu Inthieng (BSI)

²⁰ Chun, ruoiṭhenaa Pathien chibai bûk dinga hang fehai lai Grik tuhai amanih an um a.

JOHAN 12:20 ပူးပေါင်းရင်းမြစ်များ

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

MARKA 7:26

Chu nuhmei chu Grik mi a na, insiengna tieng chu Surophoiniki mi a nih. Ama chun a naunu sûnga khawhri hnawt dawk dingin a ngên a.

JOHAN 12:1

Chun, Fekân Ruoiṭhena ding ni ruk a la umin, Isu mithi laia inthawka a keitho Lazar umna Bethani kha a hung tlung a.

JOHAN 12:19

Chuongchun, Pharisaihai chun, “Hre ro, iengkhawm in law thei naw hi; en ta u, khawvêlin ama an zui ta hi,” an ta.

JOHAN 7:35

Chun, Judahai an inbiek a, “Ei hmu naw dingin hi mipa hi khâwlai am a fe ding a ni leh? Grikhai laia Inpêmdarhai laia fein Grikhai chu ân chûktir ding am nîng a ti?

THILTHAWHAI 14:1

Chun, Ikonioma chun Judahai inkhâwmna inah an lût rêl a, thu an hril hlak a, chuongchun, Grik le Juda tamtak khawmin an ring ta rau a.

THILTHAWHAI 16:1

Chun, Derbe le Lustraa chun a fe bawk a; chun, chutaka chun, a hming Timothe inchûktir pakhat a um; ama chu ringtu Juda nuhmei naupa a na, a pa ruok chu Grik a nih;

THILTHAWHAI 17:4

Chuongchun, anni laia ṭhenkhat chu zâwrthlûkin an um tah a, Paula le Sila chu an pâwl tah a; Pathien ngaisak Grik mipui nasatak le nuhmei ṭhuoitu tamtak leh.

THILTHAWHAI 20:21

Judahai le Grikhai kuoma khawm Pathien tienga lungril inlet thu le, ei Lalpa Isu Krista tieng ringna ding thu kân hriettir hlak kha.

THILTHAWHAI 21:28

an khêk a, “Israel mihai, mi ṭhangpui ro, hi mipa hi ram tinah mi po po kuomah, Juda mi dâm, Dân dâm, hi in dâm hi hrilsetu kha a nih; chu naw khawm chu Pathien biekina hin Grik mihai khawm a lûtpui a, hi in inthieng hi a suktirdakum tah a nih,” an ta.

THILTHAWHAI 8:27

Chuongchun, a tho a, a fe tah a. Chun, ngai ta, Ethiopia rama mi pakhat, Ethiopia lalnu Kandaki hnuoia mitillâk inlaltak, a ro po po enkawltu, Jerusalemah Pathien be dingin a hang feh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:16

Chanchin Ṭha chu kân zâpui si nawh a, tûkhawm a awihai po ta dinga sandamna dinga Pathien thilthawtheina a ni sih a; a phutin Juda mi ta dingin, chun, Grik mihai ta ding khawmin a hung nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:12

Juda le Grik mihai chu ienga khawm an danglam chuong si nawh a. Lalpa pakhat an rênga chunga Lalpa a nih; ama lamtuhai po chunga chun ṭhatna a hau sih a.

GALATI 2:3

Nisienlakhawm, Tita ka kuoma um khawm chu, Grik mi ni sien khawm ser tan lui pêkin a um ta nawh a;

GALATI 3:28

Chutaka chun Juda mi an um thei nawh a, Grik mi khawm an um thei bawk nawh; suok an um thei nawh a, suoknaw khawm an um thei bawk nawh; nuhmei le pasal khawm an um thei nawh; Krista Isua chun in rêngin pumkhat in ni sih a.

KOLOSSA 3:11

chutaka chun Grik mi le Juda mi, sertan le tan lo, hnamchawm dâm, Skuthia mi dâm, suok dâm, suok naw dâm khawm an um thei nawh, Krista chu iengkim ni lemin, iengkimah a um bawk a nih.