JOHAN 11:8 - Pathien Lekhabu Inthieng (BSI)

⁸ Chun, inchûktirhai chun a kuomah, “Rabbi, kha hma el khan Judahaiin lunga dêng an tum che kha; chuong sa sa chun chutaka chun i la fe rawp ding am a nih?” an ta.

JOHAN 11:8 ပူးပေါင်းရင်းမြစ်များ

MATTHAI 23:7

dâwr hmuna chibai bûkhai, mihaiin, ‘Rabbi’ an itihai an ngaina hlak sih a.

MATTHAI 23:8

“Nangni ruok chu, ‘Rabbi’, tia koin um naw ro; in inchûktirtu chu pakhat chau a nih; nangni po po chu unau in ni sih a.

JOHAN 10:31

Chun, Judahai chun a dêngna dingin lung an rût nâwk a.

JOHAN 10:39

Chuongchun, ama chu man an tum nâwk a, nisienlakhawm, an kuta inthawkin a suok a.

JOHAN 11:19

chuongchun, an ṭapa thi chunga sukthlamuong dingin Judahai rawi tamtak Martha le Mari kuomah an hung a.

JOHAN 4:31

Chu kâr chun inchûktirhai chun a kuomah, “Inchûktirtu, fa rawh,” an lo ti an lo tih a.

JOHAN 8:59

Chuongchun, ama dêngna dingin lung an rût a; nisienlakhawm, Isu ân bi hmang a, Pathien biekina inthawk chu a suok tah a.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha in- hriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.