JOHAN 11:39 - Pathien Lekhabu Inthieng (BSI)

³⁹ Isûn, “Lung hi dawm tâwl ro,” a ta. A thipa farnu Martha chun a kuomah, “Lalpa, tuhin chu thu tâng a tih, a thina ni li a ni ta sih a,” a ta.

JOHAN 11:39 ပူးပေါင်းရင်းမြစ်များ

INṬANNA 23:4

“Nangni lai mikhuol le inpêm el ka nih a; ka mithi ruong hi ka phûm hmang theina dingin nangni lai hin inphûmna hmun ding ram mi pe ro,” a tih a.

INṬANNA 3:19

hnuoia i kîr nâwk hmakhat chu, i hmaiah thlan luong rak khawpin bu fa tâng i tih; hnuoia inthawka lâk suok i ni sih a, pilvut i nih a, pil- vutah i kîr nâwk ding a nih,” a tih a.

INPÂKNA HLABU 49:14

Berâm ruol angin Seol ta dinga ruot an na, Thina chu an vêngtu ning a ta, Zîngtieng chun mi indiktakhaiin an chungah thu nei an ta, An umna hrim hrim a um nawna dingin, an mawina chu Seol suksiet ding nîng a tih.

INPÂKNA HLABU 49:7

Tukhawmin an unau khawm intlan thei tawp naw nih a, Pathien kuomah intlanna pe pêk thei bawk naw ni hai:

INPÂKNA HLABU 49:9

A dam zing a, Hmawnna a hmu nawna ding chun.

MARKA 16:3

Chun, “Thlân kawta lung chu tuin am mîn hlum hmangpêk a ta?” an inti lai zingin,

JOHAN 11:17

Chuongchun, Isûn a tlung chun, ni li thlânah a lo um tah ti a hriet a,

THILTHAWHAI 13:36

David chu, Pathien rorêlpêk angin a dam ruolpuihai rawng a bâwl zo khan, a in innghil a, a thlatuhai kuomah an inzâl a, a hmawn hmang tah a nih.

THILTHAWHAI 2:27

Ka thlarau mithi khuoah mâksan naw ti nih a, I mi inthieng hmawnhmangna hmu khawm phal naw ti nih a;

2 KORINTH 2:16

pâwl khathai ta ding chun, thinaa inthawka thina ding rim kan lo ni a, pâwl danghai ta ding chun, hringnaa inthawka hringna ding rim kan lo nih.

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.