JOHAN 11:11 - Pathien Lekhabu Inthieng (BSI)

¹¹ Chuong thu chu a hril a; chun, chu hnunga chun an kuomah, “Ei ruolpa Lazar chu a ininnghil tah a; a ininnghil keihar dingin ka fe ding a nih,” a ta.

JOHAN 11:11 ပူးပေါင်းရင်းမြစ်များ

2 LALHAI 4:31

Gehazi chun anni chu a lo hmakhal a, naupang hmai chunga chun hmawl chu a lo innghat a; nisienlakhawm, râwl hrim hrim le a dawn tina hrim hrim chu a um nawh a. Chuleichun, ama chu lo tuok dingin Gehazi chu a va kîr a; “Naupang chu a meng naw tawp el,” a tih a, a lo hril a.

2 CHANCHIN SUINA 20:7

Aw kan Pathien, i mi Israelhai hmaah hi ram hluotuhai hi i hnawt suokin, i ruolpa Abraham thlahai kuomah kumkhuoa dingin i pêk a ni naw am a nih?

FESUOKNA 33:11

LALPA chun Mosie chu inhma- tuoin, miin a ruol a biek angtakin a biek hlak a. Chun, Mosie chu riebûk tieng a kîr nâwk a, a rawngbâwltu Joshua, Nun naupa, tlangvâl ruok chun puon in chu a mâksan nawh.

ISAI 41:8

Nisienlakhawm, nangni Israel- hai ka siehlaw, Jakob hai ka mi thlang, ka ruolpa Abraham thlahai,

DANIEL 12:2

Chun, mi tamtak hnuoi pilvuta lo in tahai chu tho an ta, aṭhen chu chatuona hringna changin, aṭhen ruok chu chatuona thiemnaw le inzakna changin.

MATTHAI 27:52

thlânhai an hung inhawng a; mi inthieng in tahai taksa tamtak khawm keithoin an um tah a;

MATTHAI 9:24

“Suok ro, naupang chu a thi nawh, a in a ni lem in sawnnaw,” a ta. Anni chun ama chu an nuisan tah a.

MARKA 5:39

Chun, a va lût chun, an kuomah, “Iengdinga inri veng vunga ṭap am in na? naupang chu a thi nawh, a in lem a nih,” a ta.

JOHAN 11:10

Amiruokchu, mi zânah a lêng chun a pêm hlak, amaa chun var a um naw leiin,” a ta, a dawn a.

JOHAN 11:12

Chuongchun, inchûktirhai chun a kuomah, “Lalpa a ininnghil a ni chun dam nâwk el a tih,” an ta.

JOHAN 11:13

(Isûn a thi thu a hril a nih; nisienlakhawm, anni chun a châwl sûnga a ininnghil thu a hril amanih an ta.)

JOHAN 11:3

Chun, a farnuhaiin Isu kuomah, “Lalpa, ngai ta, i hmangai kha a damnaw ie,” tiin mi an tir a.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil tah a. Saula khawm chun a thi chu a remtih a.

1 KORINTH 15:18

Chuong chu a ni chun, Kristaa in tahai kha an bohmang tah nîng a tih.

1 KORINTH 15:34

Feltakin har unla, suksuol naw ro; ṭhenkhat chun Pathien hrietna hrim in nei naw hi; hi hi in inzakna dinga ka hril a nih.

1 KORINTH 15:51

Ngai ta u, thurûk ka hril ding cheu a ni hi; ei rêngin in kher nâwm ei nih a,

EPHESI 5:14

suklanga um taphawt chu var a ni sih a. Chuleiin, “Nang a in! meng la, Mithi laia inthawkin tho rawh. Chuongchun, Krista chun, Hung ên var a ti che,” a ti kha.

DÂN PAHNINA 31:16

Chun, LALPAIN Mosie kuom- ah, “Ngai ta, i pi le puhai kuomah i ininnghil ding a ni tah a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an ta.

1 THESSALONIKA 5:10

Ei meng khawma, ei in khawm- a, ama leh ei hring kawp theina dingin ama chu ei thi aiin a thi a nih.

JAKOB 2:23

Pathien Lekha Thu, “Abraham chun Pathien a ring a, chu ringna chu a felnaa ruot a nih,” ti thu kha a hung hlawtling a, chuongchun, Pathien Ruola inbûkin a um tah a.