JOEL 2:32 - Pathien Lekhabu Inthieng (BSI)

³² Chun, hieng ang hi nîng a ta, tukhawm LALPA hming lam taphawt chu sanhim nîng an tih; LALPAIN a hril ang khan a tlânsuokhai chu Zion tlânga le Jerusalem khuoah an um âwm sih a, chu hai lai chun LALPAIN a kohai chu ṭhang an tih.”

JOEL 2:32 ပူးပေါင်းရင်းမြစ်များ

INṬANNA 4:26

Chun, ama, Seth ngei khawm chun naupasal a nei tah a; a hmingah Enos a sak a; chuong lai chun mihai chun LALPA hming chu an hung lam ṭan tah a.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a tih a.

ISAI 10:22

I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni sih a; felna luong liemna suksietna chu tlung dinga ruot tlat a nih.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 4:2

Chu ni chun LALPA kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawi- takin um a tih.

ISAI 46:13

chuongchun, ka ropuina Israel- hai ta dingin sandamna chu Ziona chun sieng ka tih.

JEREMIA 31:7

LALPA chun hieng hin a ti sih a; Jakob ta ding chun lâwmin hla sak unla, hnamhai lua um ta ding chun khêk bawk ro, phuong dar unla, inpâk unla, “Aw LALPA, Israel hla bîkhai, i mihai hi sandam rawh,” ti ro.

JEREMIA 33:3

Kei mi hung ko la, lo dawn ka ti cheh a, thil ropui le inthup i hriet naw hai chu inentir ka ti che.

AMOS 9:8

Ngai ta u, Lalpa PATHIEN mit chu ram suol chungah a fuh a; chun, hnuoi chunga inthawkin sukbo ka ta; amiruokchu, Jakob sûngkuohai chu sukse vawng naw ning,” a ta.

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu LALPA ta nîng a tih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni ang- in fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘LALPA chu ka Pathien a nih,’ mi tîng an tih,” a ta.

JOHAN 10:16

Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

JOHAN 4:22

Nangnîn in hriet naw chibai in bûk hlak, keini chun chu kan ihriet chu chibai kan bûk hlak. Sandamna Judahaia inthawkin a hung suok ding a ni sih a.

THILTHAWHAI 15:17

Mi dang, Jentailhai po po ka hming mîn ṭawmpuihai chun, Lalpa an zawngna dingin Chu bâwktê chu tungding ka tih, tiin,

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a nih ie,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:26

Chuongchun, Israel mi po po sandamin um an tih; “Ziona inthawkin Sandamtu chu hung suok a ta, Jakob kuoma Pathien ngaisak nawna sukbo a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:5

Chuong ang bawkin, tulai khawm hin lunginsietnaa thlang ang peiin pei thlâk mahla chu an la um.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:7

Iengtin am ni tâng a ti leh? Israel mihai chun an zawng chu an hmu nawh a; Thlanghai ruok chun an hmuh a, a danghai po po chu an ngawng zo tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:24

Chu lunginsietna bêlhai chu Judahai lai chau ni loin, Jentailhai laia inthawka kohai khawm ei nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:27

Isai khawma Israelhai thu khêkpuiin, “Israel mihai chu tuisuorieta phaiphin zâtin tam hai sien khawm, a ihrem bâk chau chu sandamin um an tih.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,