JOEL 2:27 - Pathien Lekhabu Inthieng (BSI)

²⁷ Chun, Israelhai lai hin ka um ti le, LALPA in Pathien ka na, tu dang khawm an um nawh ti hrieng in tih; ka mihai chu muolpho nâwk ta naw ni hai.

JOEL 2:27 ပူးပေါင်းရင်းမြစ်များ

INPÂKNA HLABU 46:5

Pathien chu a lai takah a um a, inhnîng naw nih a, Pathienin khawfingchat pha chun ṭhangpui a tih.

INPÂKNA HLABU 68:18

Nang chu chungtieng i hang feh a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, LALPA Pathien chu an kuoma a um theina dingin.

THUVARHAI 1:23

Ka kâwknaa hin nghakîr unla, Ngai ta u, in kuoma chun ka thlarau chu hung buok ka ta, Ka thuhai chu in kuomah inhriettir ka ti cheu.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui sih a,” tiin.

ISAI 44:3

Dangchâr chunga chun tui ka hung buok ding a ni sih a, hnuoi ṭâwlahai chun tuiluonghai chu ka hung buok bawk ding a nih; in thlahai chungah ka thlarau buok ka ta, in nauhai chungah ka malsâwmna buok bawk ka tih:

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hriet- puituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 45:18

LALPA vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni loin a siem nawh a, mihriem umna dingin ân ngîr lem a nih) hieng ang hin a ti sih a, “Kei hi LALPA chu ka na, a dang hrim hrim an um nawh.

ISAI 45:5

Kei hi LALPA chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

ISAI 45:6

keima naw chu a dang hrim an um nawh ti nisa suoknaa inthawk le thlangtienga inthawka an hriet theina dingin; kei hi LALPA chu ka na, a dang hrim hrim an um naw a nih.

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 49:23

Chun, lalhai chu i nauhai pawmtuhai nîng an ta, an lalnuhai khawm chu i nauhai pawmtunu nîng an tih; anni chun hmaia hnuoi sikin chibai bûk an ti cheh a; i kea pilvut chu liek an tih; chuongchun, kei hi LALPA ka ni hung hre el i tih; a mi nghâktuhai chu muolphoin um naw ni hai.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; LALPA chun ama chunga chun ei rênga khawhlona chu ân nghat tah a.

EZEKIEL 37:6

Nangnia chun thahai sieng ka ta, taksain in chungah hung sukbit ka tih, chun, vunin inkhum ka ti cheu, nangnia chun thuok sieng ka ta hung hring in tih; chun, LALPA chu ka nih ti mi hre tâng in tih,” a ta.

EZEKIEL 39:22

Chun, chu nia inthawka a hnungtieng chen chun Israel sûngkuo chun LALPA an Pathien ka nih ti mi hre tâng an tih.

EZEKIEL 39:28

Chun, hnamhai laia sala intâng dinga kân fetir a, anni rama ngei chun ka ṭhuoi khâwm nâwka hin, LALPA an Pathien chu ka nih ti mi hre tâng an ta; chutaka chun anni chu tukhawm mâksan nâwk ta naw ningah,

EZEKIEL 39:29

annia inthawk chun ka hmai chu thuppêk ta bawk naw ning a; Israel sûngkaw chunga chun ka thla- rau ka buok ta sih a, Lalpa PATHIEN chun a tih,” tiin.

JOEL 2:26

Tamtak nei in ta, tlai in tih, maktaka ngaituo hlaktu cheu LALPA in Pathien hming chu inpâk in ta, ka mihai chu muolpho hrim hrim naw ni hai.

JOEL 3:17

Chuongchun, LALPA in Pathien ka tlâng inthieng Ziona chêng ka nih ti hrieng in tih; chuongchun, Jerusa- lem khuo chu inthieng a ta, mikhuol tukhawm fethleng nâwk ta dêr naw ni hai.

JOEL 3:21

Chun, an thisen ka isâwpfai naw chu sâwpfai ka ta, LALPA chu Ziona chun a chêng zing sih a.”

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti nih a; nanga sûnga inthawkin nasataka nang chapopui- tuhai che chu ka lâk suok ding a ni ta sih a; chuongchun, ka tlâng inthienga chun chapo ta ngai hrim hrim naw ti nih.

ZEPHANIA 3:17

LALPA i Pathien thilthawthei- tak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

ZEKARIA 2:9

Ngai ta u, anni chunga chun ka kut chu thin ka ta, chuongchun, anni rawng bâwlpêktuhai ta dingin râllâk sum hung ni tâng an tih; chun, sipaihai LALPA chun kei a mi tir a nih ti hre tâng in tih.

NAMBAR 11:29

Mosie chun a kuomah, “Keia leia ngaimaw am i nih? LALPA mihai po po chu zâwlnei ni vawng hai sienla. LALPAIN an chungah a thla- rau chu sie seng sienla ti nâklaiah,” a ta.

NAMBAR 23:21

Jakobrawi rîtlona hrim a hmu nawh a, Israel mihai lai chun kâwmâwna a hmu bawk nawh. LALPA an Pathien chu an kuomah a um a, Anni lai chun Lal chawimawina ri chu a um a.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni sih a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

DÂN PAHNINA 23:14

LALPA in Pathien chu in rie- bûkah nangni sanhim ding le in hmêlmahai pe ding cheuin a hung ṭhang ve pei hlak sih a, chuleiin, in riebûk chu ân thieng ding a nih; chuong naw chun nangni lai thiltir- dakum hmûng a ta, fesan el rawi a ti cheu.

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;