JOEL 2:17 - Pathien Lekhabu Inthieng (BSI)

¹⁷ Thiempu, LALPA rawngbâwl- tuhai chu, tuolpûk le mâichâm inkâra chun ṭap sienla, “Aw LALPA i mihai hla la, i rochanhai hi hrilsieta uma hnamhaiin an chunga ro an rêlpêk dingin pe naw rawh: ‘An Pathien chu khâw lai am a um ta leh,’ tiin an mipuihai lai chun ieng dingin am tîng an ta?” ti raw se.

JOEL 2:17 ပူးပေါင်းရင်းမြစ်များ

1 LALHAI 6:3

Chun, chu ina Hmun inthieng hmaa tuolpûk chu a in khang tieng chen tawng sâwmhnia sei a na, a hma tienga mi khang tieng chu tawng sâwm a nih.

1 LALHAI 9:7

Israelhai hi ram ka pêka inthawk hin sukbohmang ka ta; chun, hi in ka hming dinga ka sukthieng ta sa hi ka mithmu phâk nawah sawnhmang dai ka tih; chuongchun, Israelhai hi hnam tinrênghai laia chun tielna le a se tieng hrilkhinaa hmang la nîng an ta;

2 CHANCHIN SUINA 7:20

ram ka ipêk, ka rama inthawkin a zung pumin anni chu phawidawk ka ta, chun, hi in ka hminga ka lo sukthieng ta khawm hi ka hmu phâk nawah sawn hmang ka ta, hnam tin laia chun ti-elna le ṭawngnaa hmang dingin siem ka tih.

2 CHANCHIN SUINA 8:12

Chun, tuolpûk hmaa LALPA mâichâm a siema chun Solomon chun pumrawhmang thilinhlânhai chu ân hlân a,

NEHEMIA 9:36

Ngai ta, tu hlak hin mi salhai kan ni chu a ni el tah a; ram, a sûng thil ra le, thil ṭha kan pi le puhai fâk dinga i pêk hlak chu, ngai ta, chutaka chun salhai kan ni el tah a.

INPÂKNA HLABU 115:2

Iengdinga hnam tinin, “Khâwlai am an Pathien kha teh?” an ti am a na?

INPÂKNA HLABU 42:10

Ru inlang râwtin a mi dotu- hai chun an mi hrilsiet hlak a. “Khâwlai am i Pathien teh?” an mi lo ti zawmzawt a.

INPÂKNA HLABU 42:11

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni sih a. Ka hmêl sukmawitu le ka Pathien chu.

INPÂKNA HLABU 42:3

Ka mitthli hi asûn azânin ka bu a nih, “Khâwlai am i Pathien teh?” an mi lo ti zawmzawt a.

INPÂKNA HLABU 42:4

Hieng thil hi ka hriet zing a, ka hringna hi ka sûngah ka bunthlâk a, Mipui laia ka feh a, hlimna le inpâkna ri leh, mi tamtak ruoiṭhe, Pathien biekin pana an hma ka ṭhuoi hlakzie ang dâm kha.

INPÂKNA HLABU 74:10

Aw Pathien, dotu chun ieng chen am a hrilsiet ding che? Hmêlma chun kumkhuoin i hming hi a hrilsiet ding am a nih?

INPÂKNA HLABU 79:10

Hnam tinin, “Khâwlai am an Pathien kha teh?” an ti el dîm a nih? I siehlawhai thisen suok phubalâkna chu, Kan mithmuah hnam tin lai hin hriet ni raw se.

INPÂKNA HLABU 79:4

Kan vêla mihai hrilsietin kan lo um a, Kan dep vêla mihai hmusit le nuisanin kan lo um a,

INPÂKNA HLABU 89:41

Lampuia fe poin a thil an lâkpêk hlak a, A vêla mihai hrilsietin a hung um tah a.

INPÂKNA HLABU 89:51

Aw LALPA, nangma dotuhai hrilsietna, I hrieknâl kehnunghai an hrilsietna chu.

FESUOKNA 34:9

“Tuhin nanga mithmuah lungin- sietna ka hmu ta chun, Aw Lalpa, ka ngên che, Lalpa chu keini lai fe ve raw se; mi kâwmaw ni de hai sien khawm, kan khawhlona le suolna chu mi ngaidam la, i rochan dingin nangin mi la rawh,” a tih a.

ISAI 22:12

Chu nia chun LALPA, sipaihai LALPA chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 37:20

Chuleiin, aw LALPA kan Pathien, nang hi, nang chau hi, LALPA i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

EZEKIEL 20:9

nisienlakhawm, ka hming leiin, Aigupta rama inthawk anni hung ṭhuoi suoka an kuoma ka lo intârlang tâkna hmutu, an laia an umna hnam- hai mithmua, hrilsiet ka ni nawna dingin, ka thawh a.

EZEKIEL 8:16

Chun, LALPA in tuollai sûngril lema chun a mi ṭhuoi tah a, chun, ngai ta, LALPA biekin kawtkhâr, mâichâm le a tuolpûk inkâra chun mi sâwmhni panga, LALPA biekin chu an hnungtieng innghata, an hmai- hai chu khawsak tieng nghain an um a; saktienga nisa chu chibai an bûk a.

HOSEA 14:2

Thu chawi pumin LALPA kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

JOEL 1:13

Nangni thiempuhai, saiip puon dierkei unla, ṭap ro; nangni mâichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhaw- vârin zâl ro: in Pathien ina inthawk chun beiphit inhlân le dâwn ding inhlân chu khap a ni sih a.

JOEL 1:9

Beiphit inhlân dâm, dâwn ding inhlân dâm chu LALPA ina inthawka sukbo a na, thiempu LALPA rawng- bâwltuhai chu an lungngai a.

AMOS 7:2

Chun, chu rama hlohna chu an fâk zo hnungin, “Aw Lalpa PATHIEN, ngaidam rawh, ka ngên che hi; Jakob chu iengtin am ngîr thei a ta, ama a chîn sih a?” ka tih a.

AMOS 7:5

chun, keiin, “Aw Lalpa PATHIEN, ma rawh, ka ngên che hi, Jakob chu iengtin am ngîr thei a ta, ama a chîn sih a?” ka ta.

MIKA 7:10

Chuongchun, ka hmêlma ka kuoma, “Khâwlai am LALPA i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

MALAKI 1:9

Chuongchun, tuhin, ka ngên cheu hi, ei kuoma za a ngai theina dingin LALPA ditsakna chu ngên ro; hi hi nangni kut thilthaw ngei chu a na, nangni mi nina chu a pawmpêk ding cheu am a nih? sipaihai LALPA chun a tih.

NAMBAR 25:6

Chun, ngai ta, Israel laia mi pakhatin intuokna puon in kawt- khâra a ṭap lai takin Mosie mithmua le Israel mi pungkhâwmhai mit- hmuah Midian nuhmei pakhat a unauhai kuomah a hung ṭhuoi a.

MATTHAI 23:35

Chuongchun, Abel mi feltak thisena inthawkin Pathien biekin le mâichâm inkâra Baraki naupa Zakari in ithat a thisen chen khan, hnuoi chunga mi fel thisen an insuo po po chu nangni chungah la hung tlung thei a tih.

MATTHAI 27:43

Pathien a awi annâwm, ama hi a nuom chun tuhin sandam raw se, ‘Pathien Naupa ka nih,’ a ti sih a,” an ta.

DÂN PAHNINA 28:37

Chuongchun, LALPAIN a la ṭhuoi hmangna ding cheu hnam po po lai chun makti le sehnâwkna le a se tieng hrilhmêna nîng in tih.

DÂN PAHNINA 32:27

An hmêlmahai chu ngaisuolin, ‘Kan kut chu dawm sângin a um tah, Hieng po po hi LALPA ithaw a ni tawp nawh,’ hmêlma lunginsen chun tîng an tih ti ṭi naw lang chu.

JOSUA 7:9

Kanaan mihai le hieng laia chênghai po po hin hrieng an ta, mi hung inhuol an ta, hnuoi chunga inthawk hin kan hming an sukbo dai ding a ni hi; i hming ropuitak ta ding hin ieng am i thaw ding a ni ta leh?” a ta.