JOB LEKHABU (THE BOOK OF JOB) 9:12 - Pathien Lekhabu Inthieng (BSI)

¹² En ta, a lâk el a, tuin am dang thei a ta? ‘Ieng am i thawh a?’ tuin am a kuomah tîng a ta?

JOB LEKHABU (THE BOOK OF JOB) 9:12 ပူးပေါင်းရင်းမြစ်များ

ISAI 45:9

Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

JOB LEKHABU (THE BOOK OF JOB) 11:10

Ama chu a fêthleng a, a khârkhip a, A ko khâwm chun tuin am dang thei an ta?

JOB LEKHABU (THE BOOK OF JOB) 23:13

Nisienlakhawm, ama chu ngaituona thleng lo a na, tuin am ama chu herhmang thei a ta? A lungrilin a nuomtak chu, chu ngei chu a thaw hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:34

Lalpa lungril chu tuin am a hriet a? A remruotpêktua khawm tu am a ṭhang tah a?

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga thaw amani khawm ni sien, angkhat a nih.

MATTHAI 20:15

Ka ta nâknâk chu ka nuom ang anga ka thaw a thieng naw am a nih? Annawleh, kei ka ṭhat leiin nangin i thîk am a nih?’ tîn a dawn a.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

JEREMIA 18:6

“Aw Israel sûngkuo, hi bêl hemtu ang hin i chunga hin ka thaw thei ni lo am a nih? LALPA chun a tih. Ngai ta, pilpawk chu bêl hemtu kuta a um angin, nang chu ka kuta um i nih, aw Israel sûngkuo.

JOB LEKHABU (THE BOOK OF JOB) 33:13

Ama chunga chun iengdinga i hel am a na? Mihriem thu iengkhawm a dawn nawh tiin.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

MATTHAI 11:26

Anih, Pa, chuong anga thaw chu i ngaiin a ṭha a nih.

JOB LEKHABU (THE BOOK OF JOB) 10:7

Mi rilo ka ni nawh a, I kuta inthawka mi la suok thei tukhawm an um nawh ti hre zing siin?

THUHRILTU 8:4

Lal thu chun thilthawtheina a nei leiin, tuin am a kuomah, “Ieng am i thaw a” ti thei a ta?

ISAI 43:13

Anih, ni um china inthawk khan kei chu ama chu ka nih, chuongchun, ka kuta inthawka sansuok thei tu- khawm an um dêr nawh, sin thâwng ka ta, tuin am chu chu sût an ta?” tiin.

2 SAMUEL 16:10

Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? LALPAIN a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

JOB LEKHABU (THE BOOK OF JOB) 1:21

“Ka nu phîng sûnga inthawkin saruokin ka hung suok a, saruok bawkin kîr nâwk ka tih; LALPA chun a pêk a, LALPA chun a lâk hmang nâwk tah a ni chu; LALPA hming chu inpâkin um raw se,” a ta.

DANIEL 4:32

Chun, mihriemhai laia in- thawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mi- hriemhai ram chunga hin Achung- hnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung tih a.