JOB LEKHABU (THE BOOK OF JOB) 40:9 - Pathien Lekhabu Inthieng (BSI)

⁹ Annawleh, Pathien angin bân i nei am a nih? Ama ang chun râwlriin i sukrûm thei am a nih?

JOB LEKHABU (THE BOOK OF JOB) 40:9 ပူးပေါင်းရင်းမြစ်များ

JOB LEKHABU (THE BOOK OF JOB) 23:6

A thilthawtheina ropui le chun a mi kal ding am a nih? Kal lo e, kei chu mi ngaisak lem a tih.

JOB LEKHABU (THE BOOK OF JOB) 37:2

A râwl ri chu ngai ta u, A baua inthawka ri suok le chun,

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

INPÂKNA HLABU 29:3

LALPA râwl chu tuihai chunga chun ân rih a, Ropuina Pathien chu a hung inri dur dur a, LALPA ngei chu tui tamtak chunghaia chun a hung in- rih a,

INPÂKNA HLABU 29:4

LALPA râwl chu thilthawtheitak a na, LALPA râwl chu ropuitak a nih.

INPÂKNA HLABU 89:10

Nang chun Rahab chu râl that angin i sukkawi dar vawng a, Nangma dotuhai chu i bân thahrâtin i sukdar ta vawng a.

INPÂKNA HLABU 89:13

Nang chun bân thilthawtheitak i nei a, I kut chu a hrât a, i kut changtieng chu chawimawiin a um a.

INPÂKNA HLABU 98:1

Aw LALPA chawimawiin hla thar sak unla, Thil maktakhai a thaw ta sih a; A kut changtieng le a bân inthieng chun ama ta dingin sandamna a siempêk tah a.

FESUOKNA 15:6

Aw LALPA, i kut changtieng chu thilthawtheinain a ropui a, Aw LALPA, i kut changtieng chun hmêlma chu a nuoihâwp a.

ISAI 45:9

Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

ISAI 52:10

LALPA chun hnam tinrênghai mithmua chun a bân inthieng chu a hlîm tah; chuongchun, kâwlkaw- dawnga mi po poin ei Pathien san- damna chu hmûng an tih.

JEREMIA 50:24

I ta dingin châng ka kam a, i âwk a ni tah, aw Babulon, i lo inring nawh a, LALPA chu i kal leiin hmu suokin i um a, manin i um an tah.

EZEKIEL 10:5

Chun, cherubhai thla ri chu Pathien Iengkimthawtheiin thu a hril laia a râwl angin, tuollai puo lema inthawk khawm chun ân hriet a.

1 KORINTH 10:22

Annawleh, Lalpa chu thîk ding- in chawk tho ei tum a ni maw? Ama nêkin ei hrât lem am a nih?

JOSUA 4:24

Leihnuoia hnam tinrêngin LALPA kut hi a lo hrât a nih ti an hriet thei a, LALPA in Pathien chu kumkhuoa an ṭi theina dingin,” tiin.