JOB LEKHABU (THE BOOK OF JOB) 40:8 - Pathien Lekhabu Inthieng (BSI)

⁸ Nang ngei khawma ka rorêl hi i ngaitha ding am a nih? Thiem i chang theina dingin, kei chu thiemnaw i mîn changtir ding maw?

JOB LEKHABU (THE BOOK OF JOB) 40:8 ပူးပေါင်းရင်းမြစ်များ

JOB LEKHABU (THE BOOK OF JOB) 10:3

Nanga ngaiin, i nêksâwr a, I kut sinthawhai chu i hmusit a, Mi rilohai inrâwnna i sukvar chu a ṭha am a nih?

JOB LEKHABU (THE BOOK OF JOB) 10:7

Mi rilo ka ni nawh a, I kuta inthawka mi la suok thei tukhawm an um nawh ti hre zing siin?

JOB LEKHABU (THE BOOK OF JOB) 13:18

Tuhin, ngai ta u, ka chungthua thu ka siemfel tah a, Thiem chang ka tih ti ka hriet.

JOB LEKHABU (THE BOOK OF JOB) 16:11

Pathien chun Pathien ngaisak nawhai kuoma chun a mi pêk suok a, Mi rilohai kutahai chun a mi pei lût tah a.

JOB LEKHABU (THE BOOK OF JOB) 19:6

Pathien chun ka chungthuah tuhin a mi pei thlâk tah a, A lên chun a mîn khum tah ti hre ro.

JOB LEKHABU (THE BOOK OF JOB) 32:1

Chuongchun, hi mi pathum hai hin Job an dawnna chu an tâwp tah a, ama mithmua chun a fel tlat si leiin.

JOB LEKHABU (THE BOOK OF JOB) 32:2

Ram hnama mi Buz mi Barakel naupa Elihu lung chu a sen tah a; a lunginsenna chu Job chungah a nih a hung sat chu, ama le ama chu Pathien nêka thiem ân changtir tlat leiin.

JOB LEKHABU (THE BOOK OF JOB) 34:17

Indikna theidatu chun ro a rêl ding am a nih? Mi indik le mi hrât chu i dem ding am a ni,

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw tah a: Thu i hrilin thiem în changtir thei a, Ro i rêlin demkailo i ni theina dingin.

ISAI 14:27

Sipaihai LALPA chun a ruot ta sih a, tuin am lâkpêk a ta? A kut chu pharin a um tah a, tuin am inlâk- kîrtir a ti leh?” tiin.

ISAI 28:18

Chun, thina kuoma in thu- thlung chu sûtin um a ta, Seol le in thutiem khawm chu ngir suok naw ni, vuokna tui lien liem chu a luong tlang pha chun, chu pha chun sirdein um in tih.

ISAI 43:26

Mi hrietpui ta u, ngaituo hmun- khat ei tiu; thiem inchangtira in um theina dingin in thu chu hril ro.

ISAI 45:9

Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:4

Teu lo e! Pathien chu mi indiktak lo ni raw se, mi tin chu mi khêlhlip lo nihai sien khawm: “Nangin i thu hrilin thiem în changtir thei a, rorêlpêka i um khawma i hne theina dingin,” ti ziek ang khan.

GALATI 3:15

Unauhai, mihriem angin ka hril hi, mihriem thuthlung khawm ni sien la, sukdet ta hnungin an sût nâwk ta ngai nawh a, bel khawm an belsa ngai bawk nawh.

GALATI 3:17

Chun, hienghin ka ti a nih: Thuthlung Pathienin a lo sukdet ta chu, Dân kum za li sâwmthum hnunga hung um ta khan thutiem chu iengkhawm loa siemin a sukbo nawh a.

HEBRAIHAI 7:18

A hrât naw le a ṭhathnem nawna leiin thupêk um hmasa chu peiin a um a.