JOB LEKHABU (THE BOOK OF JOB) 38:8 - Pathien Lekhabu Inthieng (BSI)

⁸ Annawleh, sula inthawka a hung ṭe thla laiin, Tuisuoriet chu tuin am kawtkhârhai chu a khârpêk a;

JOB LEKHABU (THE BOOK OF JOB) 38:8 ပူးပေါင်းရင်းမြစ်များ

INṬANNA 1:7

Chuongchun, Pathienin boruok lientak chu a siem a, boruok lientak hnuoia tui umhai le boruok lientak chunga tui umhai chu a ṭhe tah a: chuong angtak chu a lo ni tah a.

INṬANNA 1:9

Chun, Pathienin, “Vân hnuoia tui umhai chu hmun khatah luong khâwm sienla, khawmuol chu inlang raw se,” a ta: chuongchun, chuong angtak chun a hung ni tah a.

JOB LEKHABU (THE BOOK OF JOB) 28:25

Thli hrâtnahai chu a pêk lai khan, Anih, tuihai chu inkhinain ân khi suok a nih.

JOB LEKHABU (THE BOOK OF JOB) 38:10

A ramrihai ka ruotpêk a, Kawtkhârhai le palhai ka sie a;

JOB LEKHABU (THE BOOK OF JOB) 38:9

Sûm chu a silfênah ka siem a, Inthim sâmupa ka tuom lai khan;

INPÂKNA HLABU 104:6

Nang chun leihnuoi hi tui inthûktak chu puon angin în siltir a, Tuihai chu tlânghai chunga chun an um puou a.

INPÂKNA HLABU 107:24

Chuonghai chun LALPA thilthawhai le, Tui inthûktaka a thilmak thawhai chu an hmu hlak.

INPÂKNA HLABU 33:7

Ama chun tuisuoriet tuihai chu iengkhat siekhâwm thûr angin a sukkhâwm a, Tui inthûktakhai chu siekhâwm- na inahai a sieṭha hlak.

THUVARHAI 30:4

Tu am vâna chun a hang lâwnin a hung ṭum leh? Tuin am a kuttum sûngah thli chu a siekhâwl hlak a? Tuin am a silfênin tuihai chu a ting hlak a? Tuin am hnuoi kil tâwphai po po chu a tungding a? A hming ieng am a na, a naupa hming khawm ieng am a na, i hriet am?”

THUVARHAI 8:29

Chuong lai chun tuipui ta dingin tiemchin a pêk a, Tuihai chun a thupêk chu an bawsiet nawna dingin, Leihnuoi lungphûmhai chu a ruot lai chun:

ISAI 40:12

Tuin am tuihai chu a kutpha zâwla chau inkhih a, vân khi khâp chaua inkhih a, hnuoia pilvut hi te- khâwng pakhat chaua thun vawng a, tlânghai chu khaina chaua bûk a, muol pâwng hai chu bûkna chaua bûk kha le?

JEREMIA 5:22

Kei chu in mi ṭi naw maw? LALPA chun a tih; Keia hmaihmaa, kumkhaw thupêk anga a liem thei nawna dinga tuisuoriet khuopnaa phaiphin sietu hmaah in inthin naw ding maw? chutaka tuifâwnhai chu an hang innawk hlaka chu, a liem thei si nawh a; an inrûm hlaka chu an fe khêl thei bawk si nawh.