JOB LEKHABU (THE BOOK OF JOB) 2:7 - Pathien Lekhabu Inthieng (BSI)

⁷ Chuongchun, Setan chu LALPA hmâihmaa inthawk chun a fe suok tah a, Job chu a kephaa inthawka a lusîp chenin khuoihli pânnain a hrem tah a.

JOB LEKHABU (THE BOOK OF JOB) 2:7 ပူးပေါင်းရင်းမြစ်များ

2 SAMUEL 14:25

Tuhin Israelhai po po lai Absalom ang hrima hmêl ṭhata inpâk kai tukhawm an um nawh a, a ke lêra inthawka a lusîp chenin sawisêlna hrim hrim a um nawh a.

1 LALHAI 22:22

Chun, LALPAIN a kuomah, ‘Iengtin am ie?’ a ta. Chun, ama chun, ‘Va fêng ka ta, zâwlnei po pohai hmûra chun thlarau khêlinhlipah vân chang ka tih,’ a ta. Chun, ama chun, ‘Thlêm ngei i ta, hlaw khawm hlawtling ngei i tih, va fe la, chuong ang chun va thaw raw leh,’ a ta.

JOB LEKHABU (THE BOOK OF JOB) 1:11

Nisienlakhawm, tuhin i kut phar la, a thil nei po po chu tâwk la, i hmâisanah hrilse ngei ngei a ti che,” a ta.

JOB LEKHABU (THE BOOK OF JOB) 13:28

Mi chu thil hmawn bohmang el hlak ang a nih, Silfên hângthim ifâksiet ang chu.

JOB LEKHABU (THE BOOK OF JOB) 2:6

LALPA chun Setan kuomah, “Ngai ta, ama chu i kuta um a nih annâwm; a hringna chau chu hla la,” a ta.

JOB LEKHABU (THE BOOK OF JOB) 30:30

Ka vun chu a hung dum a, keimaa inthawkin ân khawk a; Ka ruhai chu lumin a kâng bawk a.

JOB LEKHABU (THE BOOK OF JOB) 7:5

Ka taksa chu pilvut khâwnhai le ngêhaia thuomin a um a; Ka vun chu a hung inhlip a, a tharin a hung suok tah a.

ISAI 1:6

Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping nawh a, an tuom bawk nawh a, sahriek khawm an nâl bawk nawh.

ISAI 3:17

LALPA chun Zion naunuhai lusîpa chun pânna khir inumtir a ta; LALPA chun an zamawhai khawm suklang a tih,” a ta.

DÂN PAHNINA 28:27

“Sukdam ruollo, Aigupta khuoi- hli dâm, ngâwtna dâm, invûngna dâm, uithak dâmin LALPAIN hrem a ti cheu.

DÂN PAHNINA 28:35

LALPAIN in khûpahai, in kea dâm, sukdam theilo khuoihli na chi invawitir a ti cheu a, in kephaa inthawka in lusîp chenin.

THUPUONGSUO 16:11

an nahai le an pânnahai leiin vâna Pathien chu an hrilsiet a; an thilthawhai chu an sim chuong nawh.