JOB LEKHABU (THE BOOK OF JOB) 2:12 - Pathien Lekhabu Inthieng (BSI)

¹² Chuongchun, râl hlataka in- thawka an mithai an hei inlên chun, ama chu an hriet nawh a, an khêk rak rak a, an ṭap tâwl tah a; an puonhai chu an keithlêr tâwl a, pilvut vân- vawrin an luhai an inthêkhum a.

JOB LEKHABU (THE BOOK OF JOB) 2:12 ပူးပေါင်းရင်းမြစ်များ

INṬANNA 27:34

Esau chun a pa thu hril a hrietin, nasatak le thlasetakin a ṭap tah a, a pa kuoma chun, “Aw pa, kei hi, kei khawm hi mal mi sâwm ve lul raw a tih a.

2 SAMUEL 13:36

Chun, a hril zo phingle chun, ngai ta, lal naupahai chu an hung tlung a, an râwl insuo meuin an ṭap a; chun, lal khawm chu a siehlawhai le chun an ṭap ta rak rak el a.

EZRA 9:3

Hieng thu hi ka hriet phing chun ka silfên le ka zakawfuol chu ka keithlêr a, ka lua ka sam chu ka phawi ṭil a, ka khâkhmul leh; mak- titakin ka ṭhung tah a.

NEHEMIA 9:1

Chuongchun, chu thla ni sâwm- hni pali ni chun Israel thlahai chu bu ngheia, saiip puon sila an lua pilvut kai nungin an fe khâwm tâwl a.

ESTHER 4:1

Mordekaiin chuong thil thawa umhai po po a hriet chun, Morde- kai chun a puonhai a keithlêr a, vut laia saiip puon silin, khawpui kawt- thlêra chun a fe suok a, râwl inring- taka khêkin, lungsetakin a ṭap a;

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk tah a.

JOB LEKHABU (THE BOOK OF JOB) 19:14

Ka laibunghai hlakin an mi nghatsan a, Ka ruol pâwlngeihai hlakin an mi theinghil ta bawk a.

ṬAP HLA 2:10

Zion naunu upahai chu hnuoi chungah an ṭhung a, an to ṭawk ṭawk a; An luhai chunga chun pilvut an vânvawr a; saiip puonin an inthuom a; Jerusalem nunghâkhai khawm hnuoi tieng an luhai an kûn el a nih.

EZEKIEL 27:30

An râwlhai chu i chunga hriet dingin siem an ta, Lungna takin ṭap an tih. Chun, an lu chunga chun pilvutin inthêkhum an ta, Vuta chun anni chu inbuol an tih.

JOSUA 7:6

Josua chun a puonhai a keithlêr a, ama le Israel upahai chu LALPA bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.

THUPUONGSUO 18:19

Chun, ṭap le lungngai pumin, ‘A muk leia tuisuorieta lawng neituhai hausakna khaw ropui chu, a chung a rik ie, a chung a rik ie! Dârkâr khat chauah teplo a hung ni ta hi!’ tia khêkin an luah pilvutin an theh a.

RORELTUHAI 2:4

LALPA vântirkoin Israel thlahai po po kuoma chuong thu chu a hang hril chun, mipui chu râwl insuo meuin an ṭap tâwl tah a.

1 SAMUEL 11:4

Chuongchun, an mi tirhai chun Saula umna Gibea chu an hung tlung a, mipuihai na hrieta chun chuong thu chu an hril a, chun, mipuihai chun an râwl an insuoh a, an ṭap a.

1 SAMUEL 30:4

Chuongchun, David le a kuoma umhai chun an râwl an insuoh a, ṭap hlei thei lo lêkin an ṭap a.

1 SAMUEL 4:12

Sipai laia Benjamin thla, mi pakhat a tlân a, a puonhai tlêr nung le a lua pilvut kai rakin chu ni ngei chun, Silo chu a va tlung a.