JEREMIA 9:24 - Pathien Lekhabu Inthieng (BSI)

²⁴ a suong taphawt chun hi hi suong lem raw se, kei hi LALPA lung- insietna neia, rorêla, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lâwm sih a, LALPA chun a tih.

JEREMIA 9:24 ပူးပေါင်းရင်းမြစ်များ

INPÂKNA HLABU 20:7

Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun LALPA kan Pathien hming chu lam lem kan tih.

INPÂKNA HLABU 34:2

Ka hringna hin LALPA chu sawng a ta, Mi rimsihai chun chu chu hrieng an ta, lâwm an tih.

INPÂKNA HLABU 34:3

Aw LALPA chu mîn pâkpui unla, A hming chu chawimawi seng ei tiu.

INPÂKNA HLABU 44:8

Sûnnithlâkin Pathien kan sawng a, I hming chu kumkhuoin inpâk bawk kan tih.

INPÂKNA HLABU 44:9

Tu ruok hin chu nangin i mi ngaitha a, i mi sukzak a, Kan sipai ruol lai hlak i suok ve ngai nawh a,

INPÂKNA HLABU 51:1

Aw Pathien, i zainêm ang peiin mi lunginsiet la, I lainatna nasatzie ang peiin ka bawsietnahai hi thaihmang rawh.

INPÂKNA HLABU 91:14

Ka chungah a hmangaina ân nghat tlat leiin sanhim ka ta, Ka hming a hriet leiin hmun insângah dawm kai ka tih.

INPÂKNA HLABU 99:4

Laltak hrâtna chun rorêlna a ngainah a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

ISAI 20:5

Chuongchun, an beisei tak Ethiopia le an ropuina tak Aigupta mihai lei chun lunginzîngtak le muolphotakin um tâng an tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu LALPAA chun lâwm in ta, Israelhai Mi Inthieng chu la suong in tih.

ISAI 45:25

Israel thlahai po po chu LALPA- A chun a nih thiem inchangtira an um a, LALPA chu an sawng ding chu,” tiin.

ISAI 61:8

Kei LALPA hin rorêlna fel ka ngaina hlak sih a, khawhlotaka inram el hi ka theida hlak a, chuong- chun, anni ka thungna chu titak- meuin an kuomah pêng ka tih, an kuomah kumkhaw thu thlung bawk ka tih.

JEREMIA 22:16

Mi tlasamhai le mi rimsihai chungthu chu a rêl a, chuongchun, a ṭhah a. Hi hi keima mi hre dingin a ni nâwm a nih? LALPA chun a tih.

JEREMIA 4:2

chuongchun, nang chun, ‘LALPA chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

MIKA 6:8

Aw mihriem, a ṭha chu ân entir ta che a nih; LALPAIN a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

MIKA 7:18

Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a phuong nuom- nahai chau naw chun tukhawmin Pa chu an hriet bawk nawh.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni nawh a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

1 KORINTH 1:31

Chuongchun, an ziek ang khan, “A suong taphawt chun Lalpa chu suong raw seh.”

2 KORINTH 10:17

Nisienlakhawm, “A suong ta- phawt chun Lalpa chu suong raw se.”

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

GALATI 6:14

Kei ruok chun ei Lalpa Isu Krista kraws naw chu ka suong naw ding zie chu, chu zâra chun khawvêl hi ka ta dinga hemdein a um tah, kei khawm khawvêl ta dinga hemdein ka um a nih.

PHILIPPI 3:3

Eini Pathien Thlarau zâra Pa- thien bie le, Krista Isu suong le, taksa chunga ringna innghat nawhai hi, Sertanhai ei ni lem sih a.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

1 SAMUEL 15:22

Chun, Samuel chun, “LALPA chun LALPA thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.